Popular Bible Verses from Sam 40

Share

Aqa va ṉoṉo nia rau se Zihova, meke toka nau Sa. Doṉo mae au Sa meke avosia Sa sa qua tinepatepa. Va vura pule au Sa koasa pou gulazorona, meke koasa kopi kosikosirina. Va turu au Sa si rau pa keke vasina ṉiṉirana, ke lopu matagutu si rau pude hoqa pa tinasuna.

Va tumatumae nau Sa si keke kinera vaqurana, na kinera vinahesina sa nada Tamasa. Pana avosia na dogoria rina tie si matagutu meke kekere, meke kalavarae koe Zihova.

Tamanae tugo sa tie pu kalavarae koe Zihova, meke lopu luli rini saripu vahesi pule ni, meke sarini pu vahesi sari na tamasa kokohadi.

Kei, qetu nia rau pude tavetia sapu gua hiva nia Goi. Gilana valeania na va naqitia rau sa Mua tinarae pa buloqu!”

Zihova, hiva nia rau sapu lopu hite makudo sa Mua tataru variva taleosae koa rau. Mamu kopu nau na va sare au koasa Mua tataru nabuna ninae rane.