Popular Bible Verses from Sam 37

Share

Mu koa qetu nia se Zihova meke kaqu poni nigo Sa, gua sapu okoro nia sa bulomu.

Mu ponia sa mua tinoa koe Zihova, mu kalavarae koa Sa, meke kaqu toka nigo Sa.

Mu aqa va ṉoṉo pa kenuna e Zihova, mamu nabulu va ṉoṉo nia si Asa. Mu lopu okoro ni na va talotaṉa pule nigo pa binalabaladi ri pu koa ravutu pa dia tinoa, meke sarini pu vagi tinagotago koari na dia tinavete na hahanana sea.

Kalavarae koe Zihova, mamu tavete valeana, pude mu koa tava sare koasa popoa sapu ponigo Sa.

Turaṉi e Zihova sari tie vasina pu kaqu ene la ia sa, meke va sarei Sa sarini pu va qetua si Asa. Be ta tubarae si arini, ba lopu kaqu hoqa, sina tuqei e Zihova sari na limadia.

Kaqu malara vura sa mua tinoṉoto guana kalalasana sa rimata pana korapa rane.

Mu lopu puku hola nia sa binugoro, meke talotaṉa nia goi sa dia tinavete kaleadi sina kote va kamo nigo sa pa kinaleana.

Ele gelenaena sa qua tinoa, meke kamahire na barogoso si rau, ba lopu ele dogoria rau sapu muliṉi nia e Zihova si keke tie toṉoto, babe tepa lamae ginani pa tie sari na tuna.

Mu lopu va talotaṉa pule nigo pa tinoa leana tadi na tie kaleadi. Mu lopu okoro ni sari na tinoa tadi pu tavete va kaleana.