Popular Bible Verses from Sam 34

Share

Koa tata se Zihova koarini pu koa talotaṉa sisigiti nia sa dia sinea, meke harupi Sa sarini pu lopu kalavarae pa dia binokaboka soti.

Tepa la ia rau se Zihova meke olaṉia Sa sa qua vinaravara; vata rupahau Sa koari doduru qua minatagutu.

Sa tie toṉoto si koa ta sigiti koari soku tinasuna, ba tava leseve koe Zihova si asa koari doduru.

Podekia mamu tumae nia, sapu leana sa hahanana te Zihova. Qetu tugo si asa sapu kalavarae koa Sa.

Sarini pu ta ṉoṉovala si kalavarae koa Sa meke koa qetu, lopu kaqu hite tava kurekure si arini.

Sari na tie toṉoto si tepa la koe Zihova, meke avosi Sa. Va sarei Sa koari doduru dia tinasuna.

Sa mateana te Zihova si koa kapae meke kopu ni sarini pu pamaṉa nia si Asa, meke harupi Sa pa dia tinasuna.

Luaria sa kinaleana, mamu tavetia gua sapu leana, mamu lopu makudo hata sisigitia sa binule koari na tie.

Mamu kopu nia sa meamu, meke sa berumu, pude lopu zama va kaleana na zama kokoha.

Kopu ni e Zihova sari na tie toṉoto, meke va avosi Sa sari na dia tinepatepa.

Aria mada tozi vura nia sa vina lavatana e Zihova; mada keke gua vahesia sa pozana Sa!