Popular Bible Verses from Sam 2

Share

Mu tepa mae koa Arau, meke kaqu ponigo Rau sa ṉiniraṉira, pude totolini sari na butubutu, meke doduruna sa kasia popoa si pude koa pa Mua kinopu, na Mua vinagi Goi!

Mi todoṉo pa kenuna sa Baṉara, pude mi lopu ta bugorae koa Sa, meke tava mate palae si gamu, ura lopu sana kaqu huruṉu sa Nana binugoro. Ba tamanae zoṉazoṉa tugo sari doduru pu aqorae koa Sa.

Sari na baṉara pa popoa pepeso si ele varigara, meke va namanama pude varipera la koasa Tamasa meke sa Nana Baṉara sapu vizatia Sa. Meke zama guahe si arini, “Aria mada va kari gedi sari na dia tinarae, mada vata rupaha puleni gita koari na dia vinaturu pu pusi gita,” gua.

Ego, mi koa gilae kamahire ba gamu na baṉara, mi koa tava balau gamu na tie totoli pa pepeso. Mi nabulu nia se Zihova pa korapa mia pinamaṉana Sa, mamu qetu na pamaṉa nia.