Popular Bible Verses from Sam 146

Share

Tamanae tugo si asa pu ta tokae koasa Tamasa te Zekopi, sapu kalavarae koe Zihova sa nana Tamasa

Mu lopu kalavarae koari na koimata pa pepeso, loke tie pa pepeso si boka harupigo.

Vilasa va toṉoto si Asa pude tokani saripu ta ṉoṉovala, meke poni ni ginani Sa saripu oviadi. Vata rupahi e Zihova saripu ta pusidi, meke va dodogorae i Sa saripu behu. Ovulu sage ni Sa saripu hoqa. Tataru ni e Zihova sari na tie toṉoto.

Sapu tavetena sa maṉauru, na pepeso, na kolo lamana, meke sari doduru tiṉitoṉa pu koadi vasina, Asa sapu kopu ni sari Nana zinama ninae rane ka rane.

Va aqori e Zihova sari na tie karovodi pu koa pa nada popoa; toka ni Sa sari na nabonaboko na eapadi; ba va tasuna ia Sa sa siraṉa tadi na tie kaleadi.