Popular Bible Verses from Sam 119

Share

Sa Mua zinama si na zuke pa nenequ, meke na kalalasa pa qua siraṉa.

Ele va nonogai na kopu ni rau pa buloqu sari na Mua zinama, pude qu lopu tavete va sea atu koa Goi si rau.

Vegua meke kote boka koa via pa nana tinoa si keke tie vaqura? Pa kinopudi mo sari na Mua zinama.

Tamanae tugo sarini pu kopu ni sari Nana vina totolie, meke va tabea si Asa pa doduru bulodia

Agoi si na qua tinokae meke na qua lave. Raṉei rau sari na Mua zinama.

Mu va bakalia koa rau sa Mua tinarae meke kaqu va tabea rau si asa; kaqu kopu nia rau si asa pa doduru buloqu.

Mu va okorau pude va tabei sari na Mua vina totolie, ba lopu pude koa tagotago.

Leana koa rau sa vina kilasaqu, sina gua asa meke boka va nonoga i rau sari na Mua ginarunu.

Sa Mua vina tatara asa si va manotau pa qua totoso tasuna, sina ele va tatara nau Goi sa tinoa.

Mu kopu nau pude va tabei sari na Mua tinarae, sina koarini si vagia rau sa qinetuqetu.

Kei Zihova, Mu va tumatumae nau sari na ginuadi rina Mua ginarunu, meke kaqu va tabei rau si arini doduru totoso.

Lodu mate si rau pa tinalotaṉa, Mu va ṉiṉira au, gua sapu ele va tatara nia Goi!

Kei, tataru hola nia rau sa Mua tinarae! Balabala va lohi la ia rau si asa doduru totoso.