Popular Bible Verses from Sam 10

Share

(Tav) Kei Zihova, avosi Goi sari na vinaravara tadi pu ta ṉoṉovala, meke kaqu va ṉiṉirai Goi si arini. Kaqu tavetia Goi sa Mua vina sare va toṉoto koari pu ta ṉoṉovala na eapa, pude lopu kaqu tava matagutu pule si arini koari na tie pa pepeso.

(Resh) Ba ele dogori Mua Goi sari na tinasuna na tinasigiti gua hire, meke kaqu tubehi Goi si arini. Kalavarae koa Goi sari na tie ta ṉoṉovaladi, sina Agoi mo sa tinokae tadi na tie eapa.

(Lamed) Kei Zihova, na vegua ke koa va seu si Goi? Na vegua ke tome Mua si Goi pa totoso tasuna si gami?

(Qoph) Kei Zihova, qua Tamasa, Mu mae va sarei pa Limamu sari na tie ta ṉoṉovaladi. Mu lopu muliṉi ni Goi sari kinabo tadirini pu koa malaṉa.