Popular Bible Verses from Zinama Tumatumae 13

Share

Asa pu ene turaṉi saripu gilagilana si kote gilagilana tugo, ba asa pu baeri sari na tie duvili si ṉovala pule nia.

Asa pu lavelave nia sa beruna si kopu nia sa nana tinoa, ba asa pu memeakala si ṉovala pule nia.

Asa pu lopu sekeseke nia sa kolu si lopu tataru nia sa tuna, ba asa pu tataru nia sa tuna si kote gegesia sa si asa.

Pude seunae aqa nia si keketoṉa leanana si hoke lehu sa tie, ba pana gorevura gua sapu ta hivae si na qinetuqetu lavata.

Na tinoṉoto lavelave nia sa tie sapu loke nana tinazutu, ba na kinaleana si na hinoqa tadi na tie seadi.

Poata sapu tuturei ta vagi, si lopu sana murimuri palae tugo, ba asa pu va naqiti tatasa poata si va toqoli sa.

Na vinahesi pule si va gavogavoro vinari tokei, ba sa ginilagilana lohina si ta dogoro koarini pu vagi vina balau.

Na tie leana si veko hola tinago tadi nana koburu pu podoi na tuna, ba sari tinagotago tadi na tie kaleadi si dia ri na tie toṉoto.

Na koburu gilaena va avosia sa tinarae tanisa tamana, ba sa tie va sisire lulia ṉoṉovala si lopu hiva avoso ginegese.

Asa pu lopu luli tinarae si kote kamoa na minalaṉa meke kinurekure, ba asa pu va taliṉa ia sa ginegese si kote ta pamaṉae.