Popular Bible Verses from Pilipae 4

Share

Mi lopu talotaṉa nia si keketoṉa, ba pa mia vinaravara si mi tepa la ni koe Tamasa sari doduru gua sapu ta hivae koa gamu; mi zama valeana tugo koa Sa pa bulomia doduru totoso pa mia vinaravara.

Meke sa binule te Tamasa sapu loke tie boka tumae beto nia, si kote kopuni sari bulomia, meke na mia binalabala, pa kinoa keke koe Zisu Karisito.

Hie sa qua zinama mumudi, kasa tasiqu, mi kopu ni pa bulomia sari na hahanana gua hire sapu garona sa vina lavata; sari pu hinokara, leadi, toṉoto, via, tolavaedi, meke garo pude ta pamaṉae.

Tagoa rau sa ṉiniraṉira sapu ta poni nia rau koe Karisito pude turu va tia i, gua sapu ta evaṉa pa tinoa.

Mi koa qetu doduru totoso pa mia kineke koa sa Baṉara. Maqu tozi pulea, mi koa qetu!

Sa qua Tamasa si kaqu ponini gamu sari doduru tiṉitoṉa sapu garo koa gamu, koasa moatana gua sa Nana tinago pa mia kinoa keke koe Zisu Karisito.

Mi tavete luli gua sapu ele va nonogai, na vagi gamu koa rau, pa qua zinama na tinavete. Meke sa Tamasa pu poni gita sa binule si kote koa koa gamu.

Mi va dogoro nia koari doduru tie sa mia ṉinoṉo. Tata pule mae sa Baṉara.

Tumae nia rau sa kinoa malaṉa, meke pude tago va soku. Soku tie si lopu ele tumae nia sa ginugua hie, ba Arau si ele manavasa nia, be pavei koa si rau, ba be pa totoso sa, si qetu nia mo rau si pude deṉa, ba be ovia, be soku qua, ba be lopu soku.

Lopu pa ginugua sapu hiva ta tokae si rau ke zama nia rau si hie, ura ele manavasa nia mo rau pude qetu ni gua sapu tagoi rau.