Popular Bible Verses from Pilipae 2

Share

Mi lopu tavetia si keketoṉa pa pinuhi meke pa vinahesi pule, ba mi koa va pepekae pa vari korapa mia. Doduru totoso si mi balabala ia sa lineana tana votiki tie, hola nia sa mia lineana telemia. Mi lopu tale doṉo puleni gamu mo, pa mia vinaleana telemia, ba mi doṉo la ia tugo sa vinaleana tana votiki tie.

Ke mi keha lulia sa hahanana va pepekae te Zisu Karisito sapu guahe

Tagoa Sa sa tinoa Tinamasa doduru totoso, ba lopu balabala ia Sa pude tuqe va nabua sa vina kekeṉoṉo pule nia koe Tamasa. Ba luara pania Sa sa Nana vasina ululuna, meke vagia Sa sa ginugua tana nabulu, meke ta evaṉae na tie si Asa. Meke ta dogoro guana tie hokara si Asa, va pepekae pule nia, meke enea Sa sa siraṉana sa vina tabe, osolae kamo koasa minate, sapu sa Nana minate pa korosi.

Sina Tamasa telena si tavetavete pa korapa mia gamu, pude boka hiva nia meke lulia gamu sa Nana hiniva.

Gua asa, ke va lavatia meke ovulu sage nia Tamasa si Asa, pude kamoa sa vasina ululuna hola pa Maṉauru, meke ponia Sa sa pozapoza sapu nomana lavata, sapu ululu hola ni sari doduru pozapoza pule. Meke pude koasa pozana e Zisu, sari doduru tinoni pa Maṉauru, pa pepeso, meke pa kauruna sa pepeso si kaqu kokotuṉu meke va lavatia si Asa. Meke kaqu tozi helahelae nia ri doduru sapu e Zisu Karisito si na Baṉara, pa vinahesina sa Tamasa sa Tamada.

Pa doduru mia tinavete si mi lopu qumiqumi na varitokei. Gua, pude loke tinazutu mia, meke via pa bulomia; na tuna Tamasa si gamu sapu loke kisakisa mia, pa korapana sa sinage koqina meke va karikarina. Vasina kaqu koa na tie leamia pa vari korapadi rina tie, guana kalalasadi rina pinopino pana boṉi pa maṉauru

Kasa qua baere ta tatarue mia, gua sapu hoke va tabe au gamu sipu koa koa gamu si rau, si arilaena hola pude va tabe au tugo gamu totoso lopu koa koa gamu si rau. Mi tavetavete zoṉazoṉa pude kopu nia sa mia vinagina sa tinaharupu, mi pamaṉa sisigiti nia sa Tamasa, osolae vagi va hokotia gamu gua sapu va nama vekoa Sa pude tamugamu.