Popular Bible Verses from Aisea 6

Share

Meke avosia rau sa mamalaiṉi tanisa Baṉara sapu nanasa guahe: “Esei si kote garunia Rau? Meke esei si kote na mami tie paleke inavoso?” Meke olaṉa si arau, “Hiera si arau! Garunu lani au!”

Meke vari titioki si arini, “Hopena, hopena, hopena se Zihova Tadi na Qeto Minate! Sa Nana tinolava madina si siṉi koasa popoa pepeso.”

Meke zama si rau, “Tinalotaṉa si kamo koa rau! Kote mate mo si rau! Ura na tie mo si rau, sapu boni beruqu, meke koa turaṉi rau sari tie sapu boni berudi, ba dogoro nia mataqu tu arau sa Baṉara, e Zihova Tadi na Qeto Minate.”

Koasa vuaheni sapu mate se Uzaea sa baṉara, si dogoria rau sa Baṉara habotu pa Nana habohabotuana baṉara, ululu meke tolavaena, meke sa poko gele tanisa si siṉia sa sa Zelepade.

Mae noti nia sa koari beruqu sa motete lerana meke zama, “Isana, ele tiqui sa motete lerana hie sari berumu; ke sari mua sinea si ele ta vagi palae, meke ele ta leosae si agoi koari na mua tinavete kaleadi.”

Pa kali sage koa Sa si koa dia sari mateana serapimi, sapu hopeke onomo tatapurudi: karua si nobi ni isumata rini, karua si nobi ni tinidia, meke karua si tapuru ni rini.

Meke tapuru mae koa rau si keke mateana serapimi, na motete lerana koasa hope si nepihi vagia sa meke paleke mae nia.

Zama si Asa, “La mamu tozi ni sari tie hire: ‘Kaqu avosia na avosia mo gamu ba lopu kaqu gilania, kaqu dogoria na dogoria mo gamu ba lopu kaqu va hinokara,’

Sari bulodia ri tie hire si mu va nabui; va nuli sari taliṉadi, meke va behui matadi. Be lopu gua si kote dodogorae ni matadia, avavosae ni na taliṉadia, gilagilana ni na bulodia, meke kekere pule mae meke ta salaṉa,” gua si Asa.