Popular Bible Verses from Aisea 19

Share

Kote mana ni e Zihova Tadi na Qeto Minate, meke zama, “Mani ta manae se Izipi na Qua tinoni, se Asiria na Qua tinavetena, meke Izireli sa Qua tinago.”

Asa si kote na vina nonoga meke na vina sosode sapu tavahesi se Zihova Tadi na Qeto Minate koasa pepeso Izipi. Pana kabo la si arini koe Zihova sina razai ri na tie kaleadi, si kote garunu la nia Sa si keke hinarupu, meke asa kote la lavelave ni na harupi.

Hie sa kinorokorotae pa guguana Izipi: Doṉo la, se Zihova si koi koari na lei reregedi meke korapa la pa Izipi. Sari beku pa Izipi si neneqara pa kenuna Sa, meke sari bulodia ri na tie Izipi si matagutu.

Koasa rane asa, keke hope te Zihova si kote koana pa kokorapana Izipi, meke keke vina tigono te Zihova si kote pa voloso te Izipi.