Popular Bible Verses from Aisea 11

Share

Sa Maqomaqona e Zihova si kote kamo koasa, sa Maqomaqo ginilagilana meke binokaboka, sa Maqomaqo vinari tokae pa binalabala meke ṉiniraṉira, sa Maqomaqo tinumatumae meke pinamaṉana e Zihova, meke kote qetu nia Sa sa vina tabena e Zihova. Lopu kote vilavilasa si Asa luli gua pa dinogoro pa mata, babe varipitui pa inavoso pa taliṉana

Na lelaṉa si kote tuvulu vura koasa dadagana e Zese; koasa karosona si kote ari vuana si keke Lelaṉana sa.

ba pa tinoṉoto si kote pitui Sa saripu loke dia, pa vinilasa toṉotona si kote tavete valeana la si Asa koari pu malaṉa pa popoa pepeso. Sa kolu pa ṉuzuna si kote seke nia Sa koasa popoa pepeso, koasa siniṉo pa beruna kote seke va mateni Sa sari tie kaleadi.

Sa tinoṉoto si kote dokoho nia Sa meke sa ṉinoṉo si kote ilupu nia Sa pa kopetena.

Lopu kote variva mate babe vari komiti si arini koasa doduruna sa Qua toqere hopena, ura sa popoa pepeso si kote siṉia na ginilagilanana e Zihova gua sapu siṉia kolo sa lamana.

Sari siki variva mate kote koa turaṉi sari tuna sipi, sari leopadi kote eko turaṉi sari na qoti. Sari na tuna bulumakao, tuna laione, si kote koa varigara meke ganigani; meke na koburu hite kote kopuni si arini.

Koasa rane asa sa Karoso te Zese si kote turu guana pitipiti tadi na tinoni; sari butubutu si kote varigara la koa Sa meke sa vasina koa si Asa si kote tolavaena.