Popular Bible Verses from Hiburu 12

Share

Ke mada luara pani sari na tiṉitoṉa pu hukata gita, sa ṉatina si sari na sinea pu pusi gita; mada haqala va totoanae la, guana tie pu haqalana pa vinarivose. Ura sari na tie raṉeraṉe pukerane si guana keke puku vinarigara pu koa pa vari likohaeda sapu va sosodea sa nada rinaṉeraṉe. Mada doṉo toto la koe Zisu sa nada koimata, meke sa vina gotogotona sa nada rinaṉeraṉe. Lopu togolo nia Sa sa korosi koa gua sapu sa qinetuqetu si kote tagoa Sa, ke lopu kadaka nia Sa sa minate variva kurekurena pa korosi meke kamahire si ele habotu si Asa pa kali mataona sa habohabotuana Baṉara te Tamasa.

Totoso tava toṉoto si gita, si lopu hoke qetu nia gita sa vina toṉotoda, ba mumudi tu si kote paketia gita sa vuana sa tinoa toṉotona meke sa binule. Ura gita sapu va egoa sa vina toṉotoda, si koa bule na toṉoto pa nada tinoa.

Mi podeke sisigitia pude koa bule pa doduru tie, meke koa va madi koe Tamasa, ura loke tie si boka dogoria sa Baṉara be lopu koa va madi si asa.

Mi balabala ia sapu gua ele vala pule nia si Asa pa limadi rina tie kaleadi pu kukiti nia si Asa. Ke mi lopu malohoro na mabo pa mia tinoa.

Gua asa, ke mada zama leana si gita koe Tamasa, sina ponini gita sa sa butubutu baṉara sapu lopu kote boka ta huara palae. Mada zama leana, na vahesia sa Tamasa pa siraṉa sapu variva qetu koa Sa, pa korapa pinamaṉa meke na vina lavata.

Mi koa ṉoṉo koari na tinasigiti pu poni gamu sa Tamamia. Ura gunini gamu na tuna soti sa Tamasa si gamu. Sina loke tie varipodo pa pepeso sapu lopu hite va toṉotia sa tuna.

Ura sa nada Tamasa si guana nika huruṉuna.

Sari na tamada pa tinoa tini si hoke nore va toṉoto gita rini pa totoso papakana mo, gua mo sapu leana koa rini. Ba sa Tamasa si nore va toṉoto gita, meke tokani gita Sa pude somana tagoa sa tinoa madina koa Sa.

Ura pa mia vinaripera koasa kinaleana, si lopu ele varipera nono la sapu tata kamo pa minate si gamu.