Popular Bible Verses from Qalesia 2

Share

Ele tava mate turaṉae koe Zisu pa korosi si rau, pude lopu toa eke telequ, ba e Karisito tu si toa koa rau. Sa tinoa sapu toa nia rau hie kamahire, si toa nia rau pa korapa qua rinaṉeraṉe koasa Tuna Tamasa sapu tataru nau, meke mate hobe au Sa.

Lopu hiva kilu ia rau sa tataru variharupi te Tamasa. Sina be boka tava toṉoto koasa Tinarae te Mosese si keke tie, si namu loke laena mo sa minate te Karisito!

Gami si na tie pu ta podo pa butubutu Ziu, lopu na tie Zenitailo saripu hoke ta pozae na tie kaleadi. Ba gilania gami sapu gita na tie si pa korapa rinaṉeraṉe mo koe Karisito si tava toṉoto si gita; lopu hite pa vina tabena sa hiniva tanisa Tinarae te Mosese. Ke gami ba va hinokaria mo se Zisu Karisito, pude ta pozae na tie toṉoto pa korapa mami rinaṉeraṉe koa Sa. Ura loke tie si boka tava toṉoto pa vina tabena mo sa Tinarae te Mosese.