Popular Bible Verses from Ekisidasi 15

Share

meke zama si Asa, “Arau tugo se Zihova sapu salaṉa gamu si gamu. Be va tabe va hinokara si gamu koari na tinavete sapu gua toṉoto pa Qua hiniva, meke kopuni gamu sari na Qua zinama, si lopu kaqu va kilasa gamu Rau si gamu koari na minoho saripu vata razae lani Rau koari na tinoni pa popoa Izipi.”

E Zihova si va ṉiṉirau meke harupau. Asa tugo sa qua Tamasa sapu kaqu vahesia rau, meke Asa tugo sa Tamasa tadi na tiatamaqu, sapu kaqu kera vahesia rau guguana sa Nana ṉiniraṉira.

Ke Zihova, esei koari na tamasa sapu kekeṉoṉo gua Agoi! Esei si kekeṉoṉo gua Agoi sapu hopemu meke variva magasa hola? Esei si boka taveti sari na tinavete variva magasadi meke ṉiṉiradi gugua Tamugoi?

Koasa Mua tataru lopu ta ṉana kamona, si turaṉi Goi sari na Mua tie saripu ele vata rupahi Goi; meke koasa Mua ṉiniraṉira si turaṉa lani Goi koasa Mua popoa madina si arini.

Meke sipu kamoa rini si keke vasina pozana Mara, ba sa kolo vasina si pasa sisigiti, ke lopu boka napoa rini si asa. Gua asa ke ta pozae Mara sa pozana. Meke qumiqumi na nanasia rini se Mosese, “Nasa si kote napoa gita?” gua si arini Meke varavara va ṉiṉirae la koe Zihova se Mosese, meke va dogoro nia e Zihova koasa si keke kukuru huda, meke oki la nia sa si asa pa kolo, pude va lomoso ia meke boka ta napo sa kolo. Meke ponini tinarae tugo e Zihova vasina si arini, pude luli. Podeki tugo Sa vasina si arini