Popular Bible Verses from Ekeliziasiti 10

Share

Pude tutu sa maho meke pako sa livona, si na ṉiniraṉira si kote ta hivae, ba na ginilagilana si va kamo binokaboka.

Be guana bugoro nigo sa baṉara si goi, si lopu veko pania sa mua tuturuana; na binule boka va noso i mo sari na sinea nomadi.

Sari na dodoa matedi boka va humaṉa hikare ia sa lumu, gua sapu sa pinekipeki hitekena boka huara pania sa ginilagilana meke sa vina lavata.

Sari zinama pa ṉuzuna sa tie gilagilana si avoso lea, ba sa tie pekipeki si ṉovala pule nia koari nana zinama.

Asa pu gelia sa pou si kote hoqa pule nia mo sa; asa pu lopoto nuquru pa goba si kote ta garata noki.