Popular Bible Verses from 1 Timote 5

Share

Be keke tie si lopu galagala ni sari na turaṉana, babe sari nana tatamana na tiatamana soti, si va karia mo sa sa rinaṉeraṉe, ke kaleana hola nia sa sa tie va gugue.

Mu lopu gegesia goi sa barogoso, ba mamu zama na va toṉoto gunia mo na tamamu si asa. Sari na tie vaquradi si mamu evaṉa guni ni mo na tasimu pa doduru ginugua.

Sari na palabatu lotu pu tuturaṉa valeana pa dia tinavete si garodi tugo pude di vagia sa dia tinabara na vina lavata, gua tugo sari na tie tuturaṉa saripu tavetavete va ṉiṉira pa tinavete tarae na vina tumatumae.

Mu lopu tuturei va opo nia limamu si keke tie pude va madia na va turua pa tinavete te Karisito. Mu lopu somana ni sari na sinea tadi na votiki tie, ba mamu koa via.