Popular Bible Verses from 1 Tesalonaika 5

Share

Mi koa qetu doduru totoso. Mi lopu makudo varavara. Koari doduru tiṉitoṉa leadi na kaleadi pu ta evaṉa, si mi zama leana ni koe Tamasa. Ura asa tugo sa hiniva te Tamasa koa gamu pa mia tinoa keke koe Zisu Karisito.

Mani va madi sa Tamasa tana binule sari doduru mia tinoa: sa maqomaqo mia, sa bulomia, meke sari tini mia, pude loke tinazutu mia pana pule mae sa nada Baṉara Zisu Karisito. Asa sapu tioko gamu si kote evaṉi saripu gua sara, sina Asa mo si ta ronuena.

Mi kopu sisigiti nia pude loke tie si hobe nia kinaleana sa kinaleana, ba mi podekia doduru totoso pude mi koa vari tokae pa varikorapa mia, meke koari doduru tie.

Ke mi variva ṉiṉirai na varivari tokae telemia, gua puta tugo sapu korapa tavetia gamu kamahire.

Tepa gamu gami si gamu doduru tasimami, pude mi va balaui si arini pu koa hoboro pude di tavetavete. Mi va ṉiṉirai saripu koa mala, mi toka ni saripu malohoro, mi tataru va ṉoṉo ni sari doduru tie.

Ura lopu vizata gita Tamasa si gita, pude ta raza nia gita sa Nana tinaṉaziri, ba pude vagia tu gita sa tinaharupu pa korapa Zisu Karisito sa nada Baṉara.

Gamu doduru si tanisa kalalasa, meke tanisa rane. Lopu tanisa boṉi, babe na hinuporo si gita.