Popular Bible Verses from 1 Koriniti 6

Share

Lopu gilania tu gamu sapu sari hopeke tinimia si na Zelepade tanisa Maqomaqo Hope sapu koa koa gamu, meke sapu ponigamu sa Tamasa koa gamu? Sari na mia tinoa si lopu tamugamu telemia, ba te Tamasa tu. Guana holu gamu Sa koasa minate te Zisu, pude Tanisa si gamu, ke mi tavetavete ni sari na tinimia pa vina lavatana sa Tamasa.

Vegua lopu gilania tu gamu sapu loke tie kaleadi si kaqu boka kamo la pa butubutu baṉara te Tamasa? Mi lopu sekesekei puleni gamu; sina lopu boka koa pa butubutu baṉara te Tamasa sari na tie gugua hire: na tie variriqihi, tie vahesi beku, tie barabarata, na koreo pu puta turaṉa koreo guana tamaloana, meke gua tugo na koreo pu guana tie varivosa; na tie hikohiko, tie puhi, tie naponapo, tie zama ṉoṉovala la pa tie, meke na tie hiko doṉo pa kinoa tie.

Mi govete nia sa vinari riqihi. Sari doduru votiki sinea saripu evaṉi na tie, si lopu va kaleania sa tinina soti, ba sa tie sapu evaṉia sa vinari riqihi, si va kaleania sa sa tinina soti.

Kote boka zama si keke tie, “Loketoṉa si ta hukata nia rau,” gua. Hinokara si asa; ba lopu doduru tiṉitoṉa si leana koa goi. Arau si boka zama mo, sapu doduru tiṉitoṉa si lopu ta hukata ni rau, ba lopu hiva ta totolie guana pinausu si rau pa keketoṉa.

Koasa Nana ṉiniraṉira si va toa pulea Tamasa sa Baṉara Zisu pa minate, ke kaqu va toa pule gita tugo Sa.