Popular Bible Verses from 1 Koriniti 15

Share

Ke gua asa, kasa tasiqu, mi soto va ṉiṉira, mamu turu va nabu. Mi va tupiti puleni gamu pa ninabuluna sa Baṉara. Sina gilania mia gamu sapu lopu gua hoboro mo sari na mia tinavete, pa korapa mia ninabuluna Sa.

Ba mada zama leana koasa Tamasa, sapu ponini gita sa minataqara koe Zisu Karisito sa nada Baṉara.

Mi lopu sekesekei puleni gamu. Sina guahe si hoke zama nia rina tie: “Asa sapu koa baere koari na tie pu hoke tavete va sea, si kaqu ta turaṉa va sea koarini, meke kote ta ṉovala sa nana hahanana leana,” gua.

Ba koasa tataru variharupi te Tamasa, si boka ta evaṉae gua hie si arau. Meke sa tataru pu poni nau Sa si lopu ta okipalae hoboro. Ura pa kaiqa ginugua, si tavetavete va ṉiṉira hola ni rau sari doduru apositolo. Ba lopu na qua tinavete soti telequ, ba sa tataru variharupi tu te Tamasa sapu koa tavetavete koa rau.

Meke gua pule hie: “Minate, avei sa mua ṉiniraṉira? Avei sa mua ṉiniraṉira pude variva matagutu?” gua. Sa ṉiniraṉira pude variva matagutu tana minate si na sinea. Meke sa ṉiniraṉira tana sinea si na Tinarae te Mosese.

Mi avosia sa ginugua tomena hie: Sapu lopu kaqu ele mate beto si gita doduru, si kaqu ta hobe beto si gita. Kaqu guana matapuri mo sa mata pana ta ivu sa buki vina betobeto, meke kaqu tava turu pule pa tinoa hola saripu matedi. Meke gita pu korapa toada si kaqu ta hobe.

Kekeṉoṉo gua tugo sapu keke tie va mae ia sa minate, si keke tie tugo va mae ia sa tinoa pule pa minate. Ura gua sapu pa dia sinoto koe Adama  d si mate nia ri doduru tie, si pa dia sinoto koe Karisito si kaqu turu pule nia ri doduru.

Ura sa tini sapu muzina si kaqu ta hobe na tini toa holana. Sa tini pu boka mate si kaqu ta hobe na tini pu lopu boka mate.

Ura kaqu koa Baṉara se Karisito, osolae kaqu va boka ia Tamasa si Asa pude va kilasa beto pani sari doduru Nana kana, pude ṉati hiniva ni Sa si arini. Sa kana vina betobeto hokara pude tava kilasa, si na minate.