Popular Bible Verses from 1 Tesalonika 5

Share

Naelalz-zvz-ngrm drtwrmu! Nakrka'-zvzamu! Kxmule-esz' nike prtz, a' na-awi-zvz-ngrbzmu mz Gct da lc. Murde suti drtwrde kx doa amrlx kcng tzlxngitilr Jiszs na-awi-zvzbzng bade.

Nzkrka'-krgr nimu nide sele: “Gct, nim kc tqrkam bagr nzmnc-zpwxngr. Krka'-ngrgr kx na-atrq nidr mz da amrlx. Murde nztubq-krdr mz mqngrdr, nabzdr, x nrkrdrtqdr navz nakrlzbzle nzyzlu-krm Kxetu rgr Jiszs Kxnzmcpx. Nim kc tqkqlepele nidr. X lxngitikr kx sa na-atutrq natqmqng amrlx. Eu. Angida!”

Aclvetio-lzbqamu x bzkq ayzlubzmu da kxtrka mz da kxtrka. A' na-alebzmu da kxmrlz mz kztemung x leplz amrlx.

Mz nzmu-krde lcde, apqtramu drtwrmu x axplr-lzbqamu da kc tqwaiamu mzli ka.

Mzlegrng x inwegrng, lalztqmamu bagr. Axplrbzmu natqmu mz krkcng drtqdr tqsa. Apqtrpzmu drtwr krkcng tzmwxlrng. Okatramu krkcng nabzdr tqbao mz nzlxngiti-krdr. X mnc-zpwxamu badr leplz amrlx.

X nadcpx mz drtwrgu kx Gct mcpxle nigu x arlapxpele nigu mz nzbzkr Kxetu rgu Jiszs Kxnzmcpx. A' trmcpxleu nigu mz nzayrplapx-alo-krde nigu.

A' nimu doa neng Kraes kcng tqvz-nqblqamu nzalvztrngr angidrng x aleamu da kxtubq. A' tralepekuu da kx amyale drtq kcng tqyc-kapq.