Popular Bible Verses from ꞌRooma 5

Share

Nẽẽthĩ eteretheeheet Nyekuci ngagĩĩt mĩnnan cĩnnĩ ꞌgõõlaa ĩĩcĩ, baa nga hĩĩgĩn naag ꞌthẽccanniook, ikia adaak Krĩstõ, hĩnĩngĩtĩ ngagĩĩta.

Nẽ hõllõngaa adĩmanneet muhẽẽnĩtĩ ꞌcĩ abũnnaa ho ngagĩĩt ꞌbuth, hĩnĩngĩtĩ aarĩk Nyekuci mĩnnan cĩnnĩ ꞌthinneetinitõõ cĩggaac Loriiaa ꞌcĩ Ẽllẽẽmĩthĩ, ĩĩ baa aaꞌnyeet nẽẽ ngagĩĩta.

Hõllõngaa noho dioo, haccamanoothĩk naag buúk, hĩnĩngĩtĩ ꞌcannan cĩnaac, hĩnĩngĩtĩ haga naag eelleet ꞌcannani ngagĩĩt haallattia hidticattoothĩk Nyekuc, nẽ má hẽmmẽẽthĩ thõõth nẽ hokomit lemiitta, hau hatĩ hĩĩgĩn naag lõhõlĩ cĩg Nyekuci ꞌcĩg haꞌnyak muhẽẽnĩt ꞌcĩ abũnnaa cĩ elliaattõ.

Nẽẽthĩ hoti ho, hĩ baa elemeet Nyekuci ngagĩĩt hĩnĩngĩtĩ lemiinit, hiita haꞌnyahit naag ganõn hĩ Nyekuc, hĩnĩngĩtĩ Makayyioohit cĩnaac Yeesu Krĩstõ, nẽ hĩnĩngĩtĩ leminit cĩnaac, ikia aaꞌnyeet Krĩstõ ngagĩĩt eliinit cĩ Nyekuci ꞌcĩ hõllõngaa occa hammũda, ngaatĩ haattiyyi naag ꞌyioko ho. Nẽ haccamattoothĩk ngaatĩ hatĩ hõthõlĩ bulẽẽnĩt cĩ Nyekuci.

Baa nga aitiõõ ẽẽtĩ ꞌcĩ eelleet ngagĩĩt tõõ, ikia ẽẽlaeet Krĩstõ ngagĩĩt hĩdĩĩkoothong nẽ adaak, hĩnĩngĩtĩ ngagĩĩt ꞌthẽccanniook.

Nẽẽthĩ ꞌyioko, hĩ baa elemeet Nyekuci ngagĩĩt, hĩnĩngĩtĩ biyyi cĩg Krĩstõ, ĩĩn occa hatĩ elliaanĩtĩ ꞌcĩ ẽẽlanneet Nyekuci lĩĩlĩẽẽttaa cĩnnĩ, hĩnĩngĩtĩ Krĩstõ hutuno!

Baa hõllõngaa athĩhĩ Aadamĩ thõõth cĩ Nyekuci nẽ ĩtĩhĩĩnak eet ꞌcĩg mẽẽlĩg hĩĩtõ ꞌthẽccanniook. Nẽẽthĩ, baa athĩhĩ Yeesu Nyekuc nẽ aaꞌnyĩk eet ꞌcĩg mẽẽlĩg hũbũttaathõ muumaa cĩ Nyekuci.

Nẽẽthĩ, hõllõngaa hoti diooni, haccamanoothĩk naag buúk hĩ Nyekuc, hĩnĩngĩtĩ Makayyioohit cĩnaac Yeesu Krĩstõ, ꞌcĩ ꞌyioko aganĩꞌtheet ngagĩĩt ko.