Popular Bible Verses from Terethiinit 9

Share

Nẽ eeta ꞌcĩg baag nga arũgĩ nẽ hõllõngaa ũũnnĩk ꞌthẽccanẽẽt cĩggĩĩng ko buúk, aalla ala loriẽẽt ꞌcĩg abathĩ noho hĩ hẽlẽggĩ ꞌcĩg aar eeta hĩĩtõ nyekuꞌnya ꞌcĩg adĩmanniaa ꞌdaaba, hĩ maccĩrẽẽnĩ, hĩ biyyiẽẽnĩ, hĩ ꞌcĩg adamanniaa hẽẽnĩ. Nẽ cieeg vẽlẽk, ĩĩn hẽlẽggĩ ꞌcĩg aar eeta hĩĩtõ nyekuꞌnya ꞌcĩg hõllõngaa acĩnĩ hode athĩknĩ hode õvvõ. Baa aitiõõ hõllõngaa ũũhũ eeta cieeg ꞌthinneeti cĩggĩĩng hĩ authet ꞌcĩ aruhi eet. Baa aalla ẽlẽmĩ nẽẽg hẽlẽggĩ ꞌcĩg ĩĩn õlõng, hĩ thooꞌthiok cĩg ꞌwaangĩꞌthẽẽtak hĩ ĩgõr cĩnĩĩng.

Ma ho, itigirriaa ꞌgirooc bũrrẽẽtatõõ nĩĩcĩ hũmmũlũũnyan looc nẽ aaꞌnyĩhoothĩk ꞌgirooc ꞌtirriani ꞌcĩ ĩccaaĩ eet, ꞌcĩ aduhõõ hĩ ꞌtirrian ꞌcĩ aꞌnyak nyadokorrooꞌnya thõng. Baa adukiaak ꞌgirooc nicci thõõth ꞌcĩ aĩ, ma hegeyyu arteenit hode hẽẽn hĩ hẽlẽggĩ vẽlẽk ꞌcĩg abũtha, abũnnaa ĩccaayyu eet ꞌcĩg hõllõngaa aꞌnyak nyamacaar cĩ Nyekuci muumtinii cĩggĩĩng.

Ma baa adtak aajĩlõ ꞌcĩ ĩĩn ꞌtur tũũrĩ cĩnnĩ, hadtuuha hinnia mũꞌnyaac ngaatĩ adhukiaanĩ hẽẽtahujjieen hikia loota. Nẽ baa aaꞌnyĩhoothĩk mũꞌnyaac nicci mũhũta cĩ ꞌgõõl ꞌcĩ aduhun ꞌloohatõõ ꞌcĩ uuthik hiꞌthihi dtuurnanĩt.

Nẽ tarĩ, udukiaak ꞌgirooc thõõth ꞌcĩ aĩ, ma haruku ĩhõõggõ thõng, uukit ĩhõõggõ nyĩlõhĩ ꞌtur huciithaa ꞌcĩ aaĩ hĩgõõng ĩccaayyeet nyadokorro.

Baa habu cĩnĩĩng aajĩlõ ꞌcĩ ĩĩn makayyioohit cĩ ꞌlook ꞌcĩ uuthik hiꞌthihi dtuurnanĩt ko. Baa haĩ ꞌthaar cĩgĩnnĩg Ebereeiyyi Abaddon nẽ thõõthaa cĩ eet cĩg ꞌGirihi, haĩ Apollion, nĩngĩtĩ aĩ, eet ꞌcĩ acũda hode aggĩĩra eet.