Popular Bible Verses from Terethiinit 3

Share

Nẽ ĩthĩktaangu nganĩĩt jurrung ciee habili hattũũgaa cunuung nẽ huruha, má ĩthĩk eet umwaa molook caannĩ nẽ ubbuuk hattũũg, hadukna hatĩ nẽ hiita huduktooa hõdẽĩ hĩ ĩnõõnnõ.

Haga naa thooꞌthiok vẽlẽk ꞌcĩg adĩmannu niiga nẽ aitiõõ hõllõngaa edeeꞌnyia ngaatĩ alallu hode aaburru niig lemiittaa cĩ Nyekuci. Haccamana naa ngaatĩ occa alallu hode ngaatĩ aaburru niiga. Nẽ hĩnĩngĩtĩ hõllõngaa aaburru hode alallu, haꞌthĩĩcannuung hatĩ naa ngagiit hĩ ammũta.

“Hilooti naa eet ꞌcĩg hammĩnani, nẽẽthĩ ꞌyioko, ũtũngteek ꞌthẽccanẽẽt cugguung.

Haga naa thooꞌthiok vẽlẽk ꞌcĩg adĩmannu niiga. Hubbuuhihuung naa ngagiit hattũũg ꞌcĩ aitiõõ ẽẽtĩ ꞌcĩ occa aꞌnyũũg tarĩ tõõ. Aꞌnyaku nẽẽꞌthẽk ꞌtirrian ꞌcĩ abadtẽc, hĩnĩngĩtĩ nganĩĩta nẽ nga aalla aꞌthuunnu thõõth caannĩ nẽ nga ẽppẽhanit ꞌthaar cĩgannĩg ũdũt.

“Ẽẽtĩ ꞌcĩ ĩllõõan thõõth cĩ ꞌThĩttaanõ, haattiyyia hatĩ hĩ nganĩĩt dtaabawaa caannĩ hõdẽĩ, hĩ baa hĩllõõani naa ꞌThĩttaan nẽ hõõt haautta hĩ Baaba dtaabawaa cĩnnĩ.

Ainnu habaliinna nẽ haꞌnyaka ꞌgii vẽlẽk nẽ hõllõngaa adiimmu ꞌgiimwa tarĩ nẽ hõllõngaa adtuuhannu tamaati cunuung, ammaannu niig iiginnu hullaha, nẽ iittu rubettĩg nẽ aauttu ngũtũtũũny.

Hĩnĩngĩtĩ ĩthĩktu niig tilooinit caannĩ nẽ etemeeꞌthu pĩĩrnanĩt, haꞌthuunnuung hatĩ naa buúk ngagiit kõr ꞌcĩ hatĩ attĩmaniini eeta cĩg lootu vẽlẽk.

“Hakuu hatĩ naa hĩdĩĩkoothong, uꞌthuutti thõõth caannĩ baa allimanoothikuunga, hátĩ hiittiõõ ẽẽtĩ ꞌcĩ hatĩ aggamaannuung ꞌbaaninit ꞌcĩ haaꞌnyuung naa ho tõõ.

Ĩtĩngaac ũkũmatteek ꞌtirrian ꞌcĩ abadtẽc ꞌcĩ nga idiongan ko, hĩnĩngĩtĩ õbõhĩ edeccia. Nẽẽthĩ hoti ho, ĩttĩmanit gẽrrẽẽt, hátĩ ittiranit. Baa hũmmũda naa ngaatĩ hõllõngaa athiknu niig Nyekuc.