Popular Bible Verses from Terethiinit 22

Share

Nganĩĩt ꞌcĩ huwwatta nẽ Nganĩĩt cĩ hadtuurna, Nganĩĩt ꞌcĩ hiꞌthianaanĩ hẽlẽggĩ vẽlẽk nẽ Nganĩĩt ꞌcĩ hẽdẽcaahi hẽlẽggĩ vẽlẽk.”

“Cĩĩn nõõnĩ, hakuu naa hĩdĩĩkoothong! Hakuu hatĩ hadũmani eet vẽlẽk hĩ baa adtican nẽẽg thooꞌthiok ꞌcĩg abũnnaa.

Nẽ othoothito Lorii ꞌcĩ Ẽllẽẽmĩth hĩ lothippit cĩ lemmioohu ĩĩtõ, “Ijjia!” Aꞌnyĩĩk eet ꞌcĩ athĩhĩ thõõth icci hĩĩ, “Ijjia!” Má atab ẽẽtĩ umwaa maam ꞌcĩg ahũdĩ, aꞌnyĩĩk hũhũd maam ꞌcĩg rũgẽt ꞌcĩ aalla ooo.

“Aꞌnyĩĩk haggatan Nyekuci eet vẽlẽk ꞌcĩg ũũny ceremwa cĩggĩĩng biyyiẽẽtĩĩ cĩg Yeesu. Ẽlẽmaakĩ hatĩ nẽẽ ĩhõõggõ huduhunit hattũũgẽt cĩg ꞌtaaũn cobbi nẽ aaꞌnyĩk huduhit hẽẽt ꞌcĩ abbiiri cĩ rũgẽt ꞌcĩ aalla ooo.

“Ĩcĩnĩt nõõnĩ! Haini naa hakuu hatĩ hĩdĩĩkoothong! Aggatan hatĩ Nyekuci eet ꞌcĩg athĩhĩ nẽ uꞌthuutti thõõth ꞌcĩ aduha ꞌbuuhi ciee ho!”

Iittiõõ hatĩ hõllõngaa adiim eeta kõr, hode ꞌgiimwa ꞌcĩ attũllẽẽnĩ, hĩnĩngĩtĩ iittiõõ hatĩ baalini tõõ. Makayyioohit Nyekuc dioo ꞌcĩ hatĩ ikia ĩĩ lanyit cĩnĩĩng nẽ hatĩ ĩĩtõ nẽẽg makayyiook hĩ Nyekuc ooo.

Nẽ ẽẽtĩ ꞌcĩ ĩĩn hebereec cĩ thooꞌthiok iccig vẽlẽk aĩ, “Eei, hakuu naa hĩdĩĩkoothong!” Aamẽn! Ijjia Makayyioohit Yeesu! Aꞌnyĩĩk bũnnai cĩ Makayyioohit Yeesu haau hĩ eet ꞌcĩg ẽllẽẽmĩth cĩg Nyekuci.

Nẽ naa Yõaannẽ, hiloottuung ngagiit vẽlẽk ꞌcĩg athiknu ꞌrioon cĩ ꞌbuuk icci ho. Má ĩttoorĩk ẽẽtĩ umwaa thõõth umwa cĩnnĩ, uuk hatĩ Nyekuci ĩnõõnnõ ꞌtheretwaanĩĩ ꞌcĩg abathĩ gẽrrẽẽt eheeddi ꞌbuuhatõõ cĩ ho. Nẽ má udhuheek ẽẽtĩ thõõth umwa tuu, hõllõngaa hatĩ ẽlẽmaakĩ Nyekuci eet tĩho, huduk hẽẽt ꞌcĩ abbiiri ꞌcĩ aaꞌnyĩk rũgẽt ꞌcĩ aalla ooo ho nẽ ẽdẽnẽẽkĩ hatĩ nẽẽ ĩnõõnnõ ngaatĩ adukni ꞌtaaũn cĩnnĩ ꞌcĩ ẽllẽẽmĩth adukiaa ꞌbuuhaa cĩ ho.