Popular Bible Verses from Terethiinit 12

Share

Baa ĩllõõan eeta ꞌThĩttaan biyyiẽẽtĩĩ cĩg Mĩꞌnyõõnak, nẽ ĩllõõanit ngaatĩ ĩĩnĩ nẽẽg hẽbẽrĩ cĩg lemiinit cĩnĩĩng hĩ Nyekuc. Baa hõllõngaa ammĩnan nẽẽg rũgẽt cĩnĩĩng gẽrrẽẽt, ĩnõõ ꞌcĩ hõllõngaa itieelini nẽẽg daahĩth ko.

Ma nĩngaata, hĩthĩha molook umwa ꞌcĩ aku hẽẽtahujjieen ꞌcĩ õthõõth aĩ, “Ikia kõr icci eliiniti hĩ makaaꞌthĩt hĩ habuccieet cĩ Nyekuc cĩnaac, hĩ makaaꞌthĩt cĩ Krĩstõ cĩnnĩ, hĩnĩngĩtĩ hoppocciaahit cĩ ꞌgotoonogeet cĩggaac, ꞌcĩ õhõppõõcan ĩhõõggõ muumaa cĩ Nyekuc cĩnaac baalin hĩ waathĩn, nĩngĩtĩ adhukiaakĩ looc noho hararac.

Nẽ ꞌbuuhi ciee obbi aꞌthĩlan gẽrrẽẽt ko, ĩĩn hũkaat baa ꞌrẽẽnĩ baa haĩ habu cĩ loriẽẽt ꞌcĩg abathĩ, hode ꞌThĩttaan, gõõng ĩggõõl looc hũtũrũũr, itiggiayyiaak looc aajĩlẽẽtĩĩ cĩgĩnnĩg vẽlẽk.

Aꞌnyĩĩk hẽẽtkujjieen hatal nẽ atalit niig vẽlẽk eeta ꞌcĩg aattiyyu nĩngaata! Pĩĩrnanĩt hĩ hẽlẽggĩ ꞌcĩg aattĩg loota nĩnga hĩ bũlũccwaanĩtõõ, hĩnĩngĩtĩ udhukia habuui cĩ loriẽẽt ꞌcĩg abathĩ ikia loota nĩnga ngaꞌngaritta, hĩnĩngĩtĩ aga nẽẽ aĩ, haꞌnyaha ꞌthaa ꞌcĩ abadtẽc haaga.”

Ma ho, uluba jõrẽẽĩ hẽẽtahujjieen. Baa aruhõõ habuui cĩ aajĩleetu ꞌcĩ haĩ Mikaĩlẽ hõdẽĩ hĩ aajĩlẽẽt cĩgĩnnĩg vẽlẽk, hĩ ꞌbuuk ꞌcĩ aꞌthĩlan aajĩlẽẽtĩĩ cĩgĩnnĩg noho.

Ma ho, ikia ĩlĩĩlĩeek ꞌbuuhi nicciee ngaa nicci gẽrrẽẽt ũdũt, nĩngĩtĩ aahĩ jore nẽ õõt urukto hĩ lõhõlĩ cĩg ngaa nicci, ĩhõõggõ eeta ꞌcĩg athĩhĩ tilooinit cĩ Nyekuci nẽ elemit thooꞌthiok ꞌcĩg alliman Yeesu.

Ma ho, hudtuuha ꞌgiimwa ꞌcĩ ĩnaat eeta ꞌcĩ edeeꞌnyia hẽẽtahujjieen. Ĩĩn ngaa umwa ꞌcĩ ahimit ceremwa ꞌcĩg ĩĩn kõr, abĩlĩ nyĩlõõha nẽ itihim temedek ꞌcĩ aꞌnyak mũnyũny õmmõtõ hĩ ꞌramma. Baa attur ngaa nicci ꞌgoonnia nẽ urruuo gẽrrẽẽt, hĩnĩngĩtĩ huciith cĩ loholeeco.

Ma nĩngaata, ũtũhũa ngaa nicciee loholeec ꞌcĩ maacĩ ꞌcĩ occa aku aggam loonyin vẽlẽk hĩbahĩtaa ꞌcĩ ĩĩn ꞌthiihit makaaꞌthĩtaa cĩ habuuo. Ma ho, ikia uvvucan aajĩlõ loholeec nẽ ũũhĩ hĩ Nyekuc nẽ ũũk aarĩk dtaabawaa cĩnnĩ. Nĩngĩtĩ avviri ngaa nicciee õkõõĩ horrwatõõ umwaanĩ ĩcĩ õdõhõhĩĩ kak, ngaatĩ baa akũmaneek Nyekuci aĩ ꞌcĩ hatĩ õkõ aꞌthũũnnĩ ĩnõõnnõ waathinniook aalib hõdẽĩ hĩ ꞌmiiaꞌnya ꞌramma hĩ hẽẽn tõrkõnõn (1,260).

Ma hĩdĩĩkoothong, ikia edeeꞌnyia ꞌgiimwaa hẽẽtahujjieen tarĩ, ꞌcĩ aaĩ hĩ ꞌbuuhi cobbi ꞌcĩ marihi ꞌcĩ aꞌthĩlan Aꞌnyak ooti tũkĩramma, hĩ otto õmmõtõ nẽ aꞌnyak ooti ꞌcĩg ĩĩn tũkĩramma ho vẽlẽk tẽmẽdẽhĩta. Ma ho, õrõrrõõcan ꞌbuuhi nicciee mũnyũny ĩĩcĩ odoyyii huulaa cĩnnĩ hẽẽtahujjieen, hudhuktaak looc. Nẽ ĩbĩleek ꞌbuuhi ngaa ꞌcĩ attur ꞌgoonnia ho, aĩ hátĩ hadak loholeec, hatĩ utuhuyyiaa.

Baa aaꞌnyĩhoothĩk ngaa nicci havvuuto ꞌramma ꞌcĩg obbitẽẽgĩ, ꞌcĩg aattĩg hĩcĩg ꞌthuutiaak ꞌcĩg baag ẽẽl ĩnõõnnõ hukul hũũk ĩĩcĩ baa õkõ aayyi horrwatõõ umwaanĩ ĩcĩ õdõhõhĩĩ kak, ngaatĩ hõllõngaa õdõlanĩ ꞌbuuhi niccieeni nẽ utuguthi nĩĩca irkiꞌnyia iyyio hĩ ꞌnuth. Ma nĩngaata, ataꞌthaha ꞌbuuhi maam ꞌcĩg ĩĩkĩ tawan, aĩ hátĩ hũmmũlũũnyan ngaa nicci. Nẽ baa ẽẽla ngaa nicci lõõcĩ, hĩnĩngĩtĩ baa acũda ꞌthẽẽma tawan ꞌcĩ aꞌthakna ꞌbuuhi nicciee ũtũũga ho.