Popular Bible Verses from ꞌJeemith 1

Share

ꞌGotoonoga hĩ ngoonoga, má attĩmaniinnu niig ꞌgoolliohĩ cũũmõ cũũmõ, aanytĩk hĩĩ ꞌgõõl ꞌcĩ occa accamanoothiku niig gẽrrẽẽt. Hĩnĩngĩtĩ agayyu niig aĩ, má ĩttĩmanĩ lemiiniti cunuung, occa hatĩ ammũda temeethi cunuung ꞌgõõl ꞌcĩ alĩꞌthĩ.

Má adiim eet umwaa hõrggẽẽnaa cunuung ꞌgẽẽnyĩth, aꞌnyĩĩk hala Nyekuc ꞌcĩ aaꞌnyĩk eet vẽlẽk ꞌgẽẽnyĩth ꞌthĩnĩtaa ꞌcĩ alalĩ nẽ hõllõngaa eggerꞌnyeek eet umwa, nẽẽthĩ hatĩ aaꞌnyĩhoothĩk ĩnõõnnõ.

ꞌGotoonoga hĩ ngoonoga, ĩthĩhĩt thõõth icci, aꞌnyĩĩk eet hõdẽĩ hõdẽĩ hĩthĩktõ hĩdĩĩkoothong nẽ ma hothooꞌthu hĩdĩĩkoothong nẽ ma haliilliyyu hataman.

Nẽ illimanit ngaatĩ emmeeꞌthu thooꞌthiok vẽlẽk ũdũt, hátĩ ĩtĩlĩthĩt okomit dĩdĩ nẽ iitiõõ ꞌgii ꞌcĩ occa aꞌnyamannuung tõõ.

Nẽẽthĩ, ma hathiknu thõõth cĩ Nyekuci thõng diooni. Adiim adĩmannu thõõth ꞌcĩ adukiaa ho. Má aitiõõ hõllõngaa adĩmannu, iggoollu hinnia eleeti cugguung haaga.

Aggatan Nyekuci eet ꞌcĩg aꞌnyaman ꞌtĩmman, hĩnĩngĩtĩ má ĩllõõanit nẽẽg ꞌtĩmman tĩho, ammũda hatĩ nẽẽg dũman cĩ rũgẽtõ, baa aduhaak Nyekuci eet ꞌcĩg ammĩnan ĩnõõnnõ.

Aku ꞌbaaniniti ꞌcĩ abũnnaa ꞌcĩ tẽllĩ hẽẽtahujjieen hĩ Baangeet ꞌcĩ ẽhẽnyta lanyit cĩ hẽẽtkujjieen, aalla nẽẽ hõdõõkõthĩ ꞌgõõla hõdẽẽthõng nẽ hõllõngaa ũũkcĩ hĩ ꞌriiyyiẽta.

Ẽẽtĩ ꞌcĩ athĩhĩ thõõth nẽ hõllõngaa adtican ꞌgii ꞌcĩ aduha thõõth ko, aaĩ hinnia hĩ ẽẽtĩ ꞌcĩ acĩn muum cĩnnĩ maadaraawa. Nẽ ma ĩcĩn muum cĩnnĩ maadaraawa ẽlẽk, ũũk nĩĩcĩ noho nẽ ataarõthĩ aaĩ hatĩ muum cĩnnĩ hutuno.

Thõõth cĩ Nyekuci ꞌcĩ tẽllĩ ꞌcĩ ẽlẽmĩ Nyekuci Baangẽẽtĩ cieeni, ꞌcĩ haꞌthũũnnĩ booyyiok hĩ ngaatĩbõyyĩꞌnya pĩĩrnattaa cĩnĩĩng nẽ huꞌthuutti eleeti ngaatĩ ẽꞌthẽcanneet lõõcĩ niccieeni.

Ma attĩmaniinnu niiga, occa aitiõõ ẽẽtĩ ꞌcĩ õthõõth aĩ, “Attĩmannaa Nyekuci nganĩĩt tõõ.” Hĩnĩngĩtĩ hõllõngaa occa attĩman ꞌThĩttaanĩ Nyekuc, hode aitiõõ Nyekuci hõllõngaa occa attĩman eet umwa. Aku ꞌtĩmmanĩ hĩ ngagĩĩt, hĩnĩngĩtĩ thooꞌthiok ꞌcĩg abathĩ ꞌcĩg habũraneek naaga, ꞌcĩg arahanneet ngagĩĩt nẽ edettieet hẽꞌthẽcattõ.

Lemmiooha ꞌcĩg ĩĩn hullaha, aꞌnyak ꞌgiimwa ꞌcĩ occa irrianĩ, hĩnĩngĩtĩ ẽlẽm Nyekuci ĩhõõggõ.