Popular Bible Verses from ꞌThianaattõ 9

Share

Nẽ õthõõth Nyekuci tarĩ ĩĩ, “Ĩĩn ciee terethiinit cĩ lõhõt ꞌcĩ hadak naag hĩ ngagiit hĩ hẽlẽggĩ vẽlẽk ꞌcĩg arũgĩ. Lõhõt cĩ lõhõlĩ ꞌcĩg nga au horumwa irkiꞌnyiaannĩ. Hõhõrraneeha naa toolongeec caannĩ diiꞌthiohĩtõõ nẽ hatĩ ĩĩ ciee terethiinit cĩ lõhõt ꞌcĩ hadahi naa hĩ hẽlẽggĩ vẽlẽk ꞌcĩg arũgĩ cĩg lootu.

Thõõth caannĩ nicciaani. Ma ꞌthẽk hĩcĩna toolongeec õhõõrranĩ diitha, hammuhunoothi ꞌthẽk hatĩ gõõng lõhõt baa hadahi naa Nyekuci hĩ eet hĩ hẽlẽggĩ ꞌcĩg arũgĩ loota nĩnga vẽlẽk.”

“Ma aruk eet umwaa ꞌgõõnĩ, aruk hatĩ eet tĩho buúk ẽẽtĩ umwaanĩ; hĩnĩngĩtĩ baa ẽhẽnyta Nyekuci eet haau hĩ nẽẽnĩ.

Baa aggatan Nyekuci Nõõa hĩ buul cĩgĩnnĩg anneek, “Aꞌnyahit lõhõlĩ ꞌcĩg mẽẽlĩg ꞌrĩng. Aꞌnyĩĩk lõhõlĩ cugguung buúk hiita haꞌnyahit lõhõlĩ ꞌcĩg mẽẽlĩg, hátĩ hĩbbĩtĩt looc nicci vẽlẽk.

Haaꞌnyuung naa ngagiit ĩhõõggõ hĩĩtõ ꞌgẽẽn cunuung hĩ baa haaꞌnyuung haal hĩ ꞌdiaatĩna.

Au hatĩ itieelinnii idiꞌngwaana hĩ hĩbaallĩ hĩ hẽlẽggĩ ꞌcĩg õgõlĩt loota hĩ ulugo vẽlẽk nganiita. Aattĩg hatĩ nẽẽg vẽlẽk attiaa cunni.

Nẽẽthĩ, hadiimmuung naa ngagiit aꞌnyahit lõhõlĩ ꞌcĩg mẽẽlĩg ꞌrĩng, hátĩ hiita hõlõmanit lohollia cĩg lõhõlĩ cugguung looc nicci vẽlẽk.”