Popular Bible Verses from ꞌThianaattõ 35

Share

Nẽ ĩĩnnĩk Nyekuci ĩnõõnnõ tarĩ, “Nganĩĩt Nyekuc ꞌTirriannioohit ꞌcĩ hĩllõõani vẽlẽk. ꞌTira lõhõlĩ ꞌcĩg mẽẽlĩg. Au hatĩ eeta cĩg looc nicci vẽlẽk lõhõlẽẽnĩĩ cugunnig nẽ au hatĩ ĩĩn lohollia cugunnig ũgẽẽgĩ habuẽẽt ꞌcĩg obbitig. Haaꞌnyii hatĩ naa nganiit looc baa hippotaneehi naa Abũrahaamõ hĩ Iꞌthaako nẽ tarĩ hatĩ haaꞌnyĩha lõhõlĩ cugunnig buúk urutaa cunni.”

Nẽ ꞌyioko, huluugit hũtũngteek looc icci nẽ hõõt Bẽẽthẽla, ngaatĩ hatĩ hõkõ hẽhẽnytĩ naa nĩngĩtĩ hĩbbõõrĩkĩĩ Nyekuc ꞌgaarrieenit, baa ẽẽlla nganĩĩt pĩĩrnatta waathinniook vẽlẽk ꞌgõõlaa ꞌcĩ hõvvõõĩ.”

Ma nĩngaata, ĩĩnnĩk Nyekuci Yakobo, “Hainni nganiit Yakobo, nẽẽthĩ ꞌyioko, iittiõõ hatĩ hõllõngaa hainni nganiit Yakobo tarĩ, hiitti hatĩ ꞌthaar cugunnig Ĩꞌthĩraẽl.”

Ma nĩngaata, uduhaak Yakobo eet cĩg halang cĩnnĩ vẽlẽk ĩĩnnĩk, “Ũtũngteek hẽlẽggĩ ꞌcĩg aarru hĩĩtõ nyekuꞌnya cugguung ko nẽ aanytĩhu eleeti cugguung helleemito nẽ itihimtu ceremwa ꞌcĩg tẽllĩg.

Nĩngĩtĩ aduhaakĩ Nyekuci Yakobo annẽẽkĩ, “Tĩnga luug bĩĩt lõman Bẽẽthẽla nẽ etehenyuu nĩngĩtĩ ĩbboorĩka nganĩĩt ꞌgaarrieenit, nganĩĩt Nyekuc baa huppwanakii kõr baa airẽẽkĩ nii ꞌgotonu Eꞌthaau.”

Ma baa ukuud Rakĩlẽ haaga, uduha nẽẽ thõõth hõdẽẽthõng ĩĩ, “Haĩ loholeec caannĩ ꞌthaar Ben Oni.” Aku hinnia akanneek Yakobo loholeec ꞌthaar ꞌcĩg haĩ Benyemiino.