Popular Bible Verses from ꞌThianaattõ 24

Share

Ma ho, alaõ dticciannioohiti cĩ Abũrahamĩ ho ĩĩ, “Makayyioohit Nyekuc cĩ makayyioohit caannĩ Abũrahaamõ, ẽlaa hũmmũda ngaa ꞌcĩ hakuunahi ho. Teretheek makayyioohit caannĩ Abũrahaamõ tarbalꞌthẽẽt cunni.

Aꞌnyĩĩk bũhẽẽc ꞌcĩ hatĩ hanneehi naa, ‘Bũhẽẽcĩ ciee ꞌbaanaa baaĩ nuun maam hũhũdĩ.’ Má anneeka, ‘Hũdĩ nẽ heeliki nyaakaalnya cugunnig buúk huhuddi.’ Aꞌnyĩĩk hĩĩ ĩnõõnnõ ꞌcĩ ẽbẽraahi nii dticciannioohit cunni Iꞌthaako ho. Ma hatĩ aaĩ thõõth ciee hoti, hikia hatĩ hagawa naa hĩĩna, ũꞌthũũtĩ nii makayyioohit caannĩ.”

Nĩngĩtĩ õkõõĩ Iꞌthaako Rẽbẽka ꞌcieethaa ĩbaa aayyi morwahit cĩnnĩ Thaara nẽ ũrũmtĩ hĩĩ ngaa cĩnnĩ nĩngaata. Baa ammĩnan Iꞌthaako Rẽbẽka gẽrrẽẽt, nĩngĩtĩ aku aaꞌnyĩkĩ Rẽbẽka ĩnõõnnõ haccamanoothĩk hataarõthĩ thõõth baa daahĩth cĩ aattĩnnĩ.

Ma nĩngaata, aggatanit ꞌgotonnia hĩ aattĩnnĩ Rẽbẽka ĩĩttĩk, “Aꞌnyĩĩk Nyekuc haaꞌnyi lõhõlĩ ꞌcĩg mẽẽlĩg ꞌrĩng. Aꞌnyĩĩk Nyekuc haaꞌnyĩk lõhõlĩ cugunnig hĩllõõanit mĩrõk cĩggĩĩng.”

Hadiimmii naa nganiit bũtan ꞌthaarĩĩ cĩg Makayyioohit Nyekuc cĩ hẽẽtkujjieen hĩ cĩ lootu, ngaatĩ hõllõngaa hatĩ aꞌthũwanaakĩ loholeec caannĩ Iꞌthaako ngaa looccaa cĩ Kanaanĩ ho. Bĩĩt looccaa caannĩ hĩ ĩĩcĩ ittioonniok cĩgannĩg nẽ idiimahuu loholeec caannĩ Iꞌthaako ngaa ĩĩca.”