Popular Bible Verses from ꞌThianaattõ 15

Share

Nĩngĩtĩ ẽlẽmmĩ Abũraamõ thõõth cĩ Makayyiookto nẽ hĩnĩngĩtĩ thõõth icci, ikia accamana Makayyioohiti ĩnõõnnõ ngaatĩ iini eet ꞌcĩ abũnnaa.

Ma baa urutaa cĩ thooꞌthiok iccig vẽlẽk, ikia aaꞌnyĩk Makayyioohiti Abũraamõ hõhõnõõthĩ nẽ ĩĩnnĩk, “Abũraamõ, ma hiteelli, hĩĩnĩ hatĩ naa hilib ꞌcĩ heteiinni nganiit thooꞌthiohĩĩ ꞌcĩg abathĩ. Haggatannii hatĩ naa nganiit gẽrrẽẽt.”

Ma nĩngaata, ũũhĩ Nyekuci Abũraamõ battaala nẽ ĩĩnnĩk, “Deenyoth da nõõ hẽẽtkujjieen nẽ má ũũlũ ngaatĩ occa agiili mũnyũny, occa thĩ hatĩ agiili lõhõlĩ ꞌcĩg hõkõ haaꞌnyii naa nganiit ko buúk.”

Ma ho, ĩĩnnĩk Makayyioohiti Abũraamõ, “Aitiõõ hatĩ hõllõngaa arigith Elietherĩ baliinit cunni. Ngeeruni dẽẽdẽ ꞌcĩ hatĩ arigithi.”

Nĩngĩtĩ annẽẽkĩ Makayyioohiti ĩnõõnnõ, “Gaooth thĩ ngaatĩ au hatĩ õlõmanĩ lohollia cugunnig looccaa ꞌcĩ ꞌrĩĩng pir. Adĩman hatĩ eeta cĩg looc tĩho ĩhõõggõ ꞌbuth nẽ aarito hĩĩtõ appahacaaꞌnya irkiꞌnyia ꞌmiiaꞌnya ꞌwec (400).

Ẽdẽcĩ hinnia Abũraamõ Makayyioohit anneek, “Makayyioohit ꞌcĩ iini ꞌTirriannioohit, hĩĩnĩ naa eet ꞌcĩ aitioonna loholeec tõõ. Ma hadaaha, arigith hatĩ appahaca caannĩ Elietherĩ cĩ Damaathĩko baliinit caannĩ. Aaꞌnyaa occa hatĩ nii nganĩĩt neegi?

Nẽ ꞌgõõlẽẽ cĩ, iita adahit Makayyioohiti hĩ Abũraamõ lõhõt. Nĩngĩtĩ annẽẽkĩ Makayyioohiti Abũraamõ “Hẽlẽma naa ngaatĩ haaꞌnyĩkĩĩ lõhõlĩ cugunnig looc nicci vẽlẽk. Iꞌthianaanĩ hatĩ lokoorriaa cĩ Ijjibi ĩꞌthõng hõdõlan hidioo cobbi cĩ Euvaratẽthĩ

Aꞌnyak hatĩ lohollia cugunnig irkiꞌnyia ꞌmiiaꞌnya ꞌwec (400) nga hoboddia hiita ngaati, hĩnĩngĩtĩ hõllõngaa hatĩ hiiggia naa eet cĩg Amoorĩ hĩdĩĩkoothong. Aattĩg hatĩ nẽẽg ngaati ĩꞌthõng hẽꞌthẽcattõõ gẽrrẽẽt, nẽẽthĩ hatĩ huuka naa ĩhõõggõ.”