Popular Bible Verses from ꞌGalaaꞌthia 3

Share

Ikia ẽẽlaeet ngagĩĩt Yeesu Krĩstõ ꞌcĩĩnẽttaa cĩ aꞌnyaha nyattalĩ, ngaatĩ aku õkõõĩ nẽẽ ꞌcĩĩnẽnĩt cĩnaac hĩ baa aduha ꞌBuuhi cĩ Nyekuci aĩ, “Aggam ꞌngĩllama eet ꞌcĩg aruk eet nẽ irimitheek hẽẽta”

Aaꞌnyuung lemiiniti ꞌcĩ aꞌnyaku niig, hĩnĩngĩtĩ Yeesu Krĩstõ, udukto niig vẽlẽk aaut ꞌgõõla hõdẽẽthõng, tananga ĩĩnĩ ꞌJudeeinit, hode ꞌGiriheenit, tananga ĩĩnĩ appahaca, hode eet ꞌcĩ hõllõngaa ĩĩn appahaca, tananga ĩĩnĩ eet ꞌcĩ maacĩ, hode ngaa ꞌcĩ ngayyi.

Nẽ ma iittu niig eet cĩg Krĩstõ, iita iittu niig eet cĩg halang cĩ Abũrahamĩ. Nẽ iita hatĩ ummuddiaau niig ꞌgattan cĩ thõõth baa aduhaak Nyekuci Abũrahaamõ.

Ikia ẽẽlaeet Yeesu Krĩstõ ngagĩĩt, hátĩ haaꞌnyĩhoothĩk eet ꞌcĩg hõllõngaa ĩĩn ꞌJudeei, ꞌgattanĩ baa aaꞌnyĩk Nyekuci Abũrahaamõ, ꞌthaarĩĩ cĩg Yeesu Krĩstõ, hátĩ hummuddia naag Lori ꞌcĩ Ẽllẽẽmĩth lemiitta, hĩ baa aduha Nyekuci aĩ, hĩꞌthõõa hatĩnĩ.

Nẽ edeeꞌnyia ꞌthẽk jurrung aĩ, aitiõõ Nyekuci hõllõngaa ẽlẽmĩ eet umwa, hatĩ anũ ẽẽtĩ tĩho nyattal cĩ Mũũꞌtha, hĩnĩngĩtĩ eheeddi ꞌBuuhaa cĩ Nyekuci aĩ, “Arũgĩ hatĩ ẽẽtĩ ꞌcĩ abũnnaa, hĩnĩngĩtĩ ẽlẽm Nyekuci lemiinit cĩnnĩ.”