Popular Bible Verses from Luugithõõ 9

Share

Nẽẽthĩ hinnianĩ, baa haaꞌnyii naa nganiit ĩĩ habu, hĩnĩngĩtĩ thõõth icci, hátĩ heteretheehii ꞌtirrian caannĩ nẽ ubuluꞌthi ꞌthaara cĩgannĩg looc vẽlẽk.

Ma ho, uduhaak Makayyioohiti Mũũꞌtha ĩĩnnĩk, “Mũdoothĩk habu cĩ Ijjibi bĩĩt duhaak anneek, ‘Thõõth ꞌcĩ aduha Makayyioohiti Nyekuci cĩ Ebereei cieeni, “Aꞌnyĩĩk eet cĩgannĩg hõõt halayyia nganĩĩta.”

Hĩnĩngĩtĩ kõr icci, occa harukii naa nganiit hĩ eet cugunnig vẽlẽk, ꞌthẽrẽtaa ꞌcĩ aggĩĩrannuung loota nĩnga vẽlẽk ĩĩtõ ꞌthĩĩ.

aꞌnyahaak hatĩ aꞌthiiti cĩ Makayyiookto ꞌthẽrẽt ꞌcĩ abathĩ gẽrrẽẽt nyangõõllẽẽꞌnya cugguung hĩ thigirẽẽt hĩ nyaakaalnya hĩ tĩĩn hĩ aꞌtha hĩ ẽẽtha nyadaharta. Nẽẽthĩ, ahal hatĩ Makayyioohiti hẽlẽggĩ cĩg eet cĩg Ĩꞌthĩraẽlĩ haauto ẽmmẽn hĩ hẽlẽggĩ cĩg eet cĩg Ijjibi, hátĩ hiittiõõ hẽlẽggĩ cĩg Ĩꞌthĩraẽlĩ hõllõngaa adaahĩ.’ ”

Nẽẽthĩ hoti ho, hĩꞌthõõa hatĩ naa lohotha hatĩ aau kõrra hĩ ꞌyioko ho, tammu cĩ telleenu ꞌcĩ gõõng nga kõr umwa hĩtĩĩl looccaa cĩ Ijjibi ũdũt, nganĩngĩtĩ teheꞌnyiaanĩt cĩ lootu. Uduktaak ꞌyioko eet hiꞌngiddiaak hẽlẽggĩ ꞌcĩg nga aattĩg nyadaharta vẽlẽk hiita õlõ, hĩnĩngĩtĩ õhõda hatĩ tammu cĩ telleenu ho eet hĩ hẽlẽggĩ vẽlẽk ꞌcĩg nga aattiyyiaa nyadaharta, hũcũda ĩhõõggõ vẽlẽk hĩĩ lõõcĩ ꞌthĩĩ.’ ”

Ĩꞌthanothoothĩk hatĩ hatiꞌtheet looc cĩ Ijjibi vẽlẽk, haaꞌnyĩk hadahit eet hĩ hẽlẽggĩ muccuhudita.” Nĩngĩtĩ adamtwaanĩ nẽẽg hatiꞌtheet hithingaannĩ nẽ ĩbĩlĩt muumaa cĩ habu cĩ Ijjibi. Ma nĩngaata, utuꞌthaanĩk Mũũꞌtha hatiꞌtheet hẽẽtahujjieen, nĩngĩtĩ adahĩ eet muccuhudita hẽlẽggẽẽnnĩ noho.