1
Luugithõõ 23:25-26
ꞌBuuk cĩ Thõõth cĩ Nyekuci
did
Alaac Makayyioohit Nyekuc cunuung diooni. Má adĩmannu noho, haggatannuung hatĩ naa ngagiit ꞌgẽẽna hĩ maamĩ nẽ hũꞌthũũttuung ngagiit hiittiõõ hõllõngaa ommoorru. Arrita hatĩ ngaaĩ cugguung lõhõlĩ ꞌcĩg atũnyĩ nẽ hatĩ ũrũgĩt eeta cugguung vẽlẽk irkiꞌnyia ꞌcĩg mẽẽlĩg.
Compare
Explore Luugithõõ 23:25-26
2
Luugithõõ 23:20
“Ĩcĩnĩt, hĩꞌthõõakuung naa aajĩlõ hutuaneekuung ngagiit nẽ hũꞌthũũttuung ngagiit ꞌgõõla, hátĩ haꞌnyahaauung looccaa ĩbaa hakũmaneekuung naa ngagiita.
Explore Luugithõõ 23:20
3
Luugithõõ 23:22
Nẽẽthĩ, má anuyyu niig thõõth ꞌcĩ aduha aajĩlõ ho jurrung, nẽ ĩdĩmattu thooꞌthiok vẽlẽk ꞌcĩg haduha naana, hĩĩnĩ hatĩ naa mirohit cĩ mĩrõk cugguung nẽ haburreehi hatĩ naa eet ꞌcĩg aburreekuung ngagiita.
Explore Luugithõõ 23:22
4
Luugithõõ 23:2-3
“Ma hanũ lothippit hatĩ adĩman thooꞌthiok ꞌcĩg abathĩ. Duha thõõth ꞌcĩ ĩĩn dĩdĩ hõdõõkõthĩ lokihooa, tananga hiittiõõ eeta vẽlẽk hõllõngaa aduha thõõth ꞌcĩ ĩĩn dĩdĩ. Nẽ tarĩ, ma hahali hullaha lokihooa, hĩnĩngĩtĩ ĩĩn nẽẽg hullaha.
Explore Luugithõõ 23:2-3
5
Luugithõõ 23:1
“Ma haduhaahi eet nyeemuꞌnya ꞌcĩg ĩĩn õlõng. Ma heeli eet ꞌcĩ abathĩ ngaatĩ ĩĩnnĩ hebereec cĩ thõõth ꞌcĩ hõllõngaa ĩĩn dĩdĩ.
Explore Luugithõõ 23:1