Popular Bible Verses from Luugithõõ 15

Share

Nẽ ĩĩnnĩk Nyekuci ĩhõõggõ, “Má athiknu niig molook cĩ Makayyioohit Nyekuc cunuung jurrung nẽ ĩdĩmattu thõõth ꞌcĩ ĩĩn dĩdĩ hẽbẽrẽẽnnĩĩ cĩgĩnnĩg nẽ má anuyyu niig tilooinit cĩnnĩ nẽ uꞌthuuttu nyattalliook cĩgĩnnĩg, hõllõngaa hatĩ haꞌnyahaakuung mooriꞌthiook baag haꞌnyahaahi naa eet cĩg Ijjibi, hĩnĩngĩtĩ hĩĩnĩ naa Makayyioohit ꞌcĩ haaꞌnyuung ngagiit ũbũttaath.”

Ĩĩn Makayyioohiti ꞌtirrian caannĩ hĩ tẽgẽl caannĩ; ikia ĩĩ nẽẽ ellioohit caannĩ. Ĩĩn nẽẽ Nyekuc caannĩ, nẽ hadihithi hatĩ naa ĩnõõnnõ, Nyekuc cĩ nyakangaan caannĩ, habuluthi hatĩ naa ĩnõõnnõ.

Nganĩ umwaa nyekuꞌnyaannĩ, ꞌcĩ occa aduhoonnu hĩ nganiit Makayyioohit? Nganĩ ꞌcĩ aaĩ hĩ nii, attirani nii bulẽẽtta hĩ ꞌlẽẽmĩtha, ĩllõõani nii bulẽẽtta nẽ ĩdĩmanuu thooꞌthiok ꞌcĩg ĩnaat eeta.

Mĩnnaniitta cunni ĩĩcĩ hõllõngaa edecciaa, aggami hatĩ nii eet baag ẽẽla niina. ꞌTirriaanaa cunni, atiꞌthiti hatĩ nii ĩhõõggõ ĩꞌthõng hõdõlanit nĩngĩtĩ ẽllẽẽmĩth ꞌcĩ aayyi niina.

Ma baa iita õdõlanit nẽẽg nĩngĩtĩ haĩ Maara, baa hõllõngaa occa ahũd nẽẽg maam cĩgĩnnĩg, hĩnĩngĩtĩ baa ahahatĩĩ maama dtum. Ĩnõõ ꞌcĩ akannẽẽkĩ eeta nĩngĩtĩho annẽẽkĩ Maara ho. Ma nĩngaata, iita ongoongoyyieek eeta cĩg Ĩꞌthĩraẽlĩ Mũũꞌtha nẽ ijinit ĩĩttĩk, “Ẽlẽ, hahũdda ꞌyioko hatĩ ne?” Ma nĩngaata, ĩĩlaleek Mũũꞌtha Makayyioohit hẽẽl ĩnõõnnõ, nĩngĩtĩ ẽtẽrꞌthẽẽkĩ Makayyioohiti ĩnõõnnõ hẽẽt umwa ꞌcĩ dĩppĩlĩ. Ma ho, udhuheek Mũũꞌtha hẽẽt tĩho maamĩtõõ, nĩngĩtĩ au abũnnayyĩ maama. Ma nĩngaata, aaꞌnyĩk Makayyioohiti ĩhõõggõ nyattal ꞌcĩ attĩmanĩ ĩhõõggõ hatĩ aꞌnyak lemiinit hĩ ĩnõõnnõ ngaatĩ haĩ Maara ho.