Popular Bible Verses from Luugithõõ 12

Share

“Baalin niccia noho, hõvvõ hatĩ naa Ijjiba nẽ huruha lõhõlĩ ꞌcĩg maacĩg ꞌcĩg arrittiaa ĩĩcĩ oou, hĩ idiꞌngwa ꞌcĩg arrittiaa ĩĩcĩ oou vẽlẽk nẽ hatĩ huuka hẽlẽggĩ ꞌcĩg aar eeta hĩĩ nyekuꞌnya Ijjiba vẽlẽk. Hĩĩnĩ naa Makayyioohit. Ĩĩn hatĩ biyyieetta cieeg terethiinit cĩ ꞌcieethi ꞌcĩg aattiyyu niiga nẽ má hĩcĩna naa biyyi, hahaaꞌnguung hatĩ naa ngagiita. Aitiõõ hatĩ ꞌthẽrẽt ꞌcĩ adakuung ngagiit tõõ hatĩ huuka naa Ijjib.

“Ĩĩn ciee kõr ꞌcĩ hatĩ gõõng ammuhaannu niiga. Adahit hatĩ gõõng karrama cĩ kõr icci hĩĩ cĩ Makayyiookto irkiꞌnyiaannĩ vẽlẽk, ĩꞌthõng hõdõlanit lohollia ꞌcĩg hatĩ nga au horumwa buúk.

Nẽ ma ajinnuung lohollia cugguung anneekuung, ‘Karrama cĩ niiyyio ciee?’ Uduktaak ĩĩttĩg, ‘Ĩĩn ciee Karrama cĩ Kõr cĩ Haangittõõ hĩ Makayyioohit ꞌcĩ baa ahaang ꞌcieethi cĩg eet cĩg Ĩꞌthĩraẽlĩ Ijjiba nẽ iittiõõ hõllõngaa aruk eet cĩg Ĩꞌthĩraẽlĩ, baa aku aruk nẽẽ eet cĩg Ijjibi.’ ” Nĩngĩtĩ akannĩ eeta huruꞌnyia nẽ alaacõ ĩnõõnnõ.