Ĩllõõan Nyekuci nẽ abuli. Halayyi naa haini, aꞌnyĩĩk haaꞌnyuung Lorii cĩnnĩ ngagiit, ĩĩtõ nuyyiook ꞌcĩg attirannu, hatĩ haau Krĩstõ ꞌthinneetinii cugguung, hĩnĩngĩtĩ lemiinit cunuung. Uꞌthuutti thõõth cĩnnĩ jurrung nẽ okomit mĩnnaanaa cĩnnĩ. Halayyi naa haini, aꞌnyĩĩk Nyekuc haaꞌnyuung agaac niig hĩ eet vẽlẽk cĩg Nyekuci thõõth ꞌcĩ aĩ, maka mĩnnanĩ cĩ Krĩstõ ĩllõõanĩ. Hadiimmuung naa ngagiit agaac thõõth vẽlẽk cĩ mĩnnan cĩ Krĩstõ, tananga ĩllõõan ꞌgẽẽnyĩth ꞌcĩ occa appiimanni, nẽẽthĩ hatĩ aau Nyekuci rũgẽtaa cunuung.