Popular Bible Verses from Dtiicanĩ cĩg ꞌThooyyiahu 4

Share

Yeesu dioo ꞌcĩ aꞌnyak ꞌtirrian ꞌcĩ eellianĩ eeta. ꞌThaar cĩgĩnnĩg dioo loota nĩnga ꞌcĩg occa ẽẽla eet umwa.”

Ma baa alayyio lemmiooha ẽlẽk, ikia õtõmõ nĩngĩtĩ alaiini nẽẽg ko. Ma nĩngaata, ikia Lorii ꞌcĩ Ẽllẽẽmĩth hĩ ĩhõõggõ, nĩngĩtĩ arrĩcanaanĩ nẽẽg ngaatĩ irriõõnĩ nyeemuut cĩ Nyekuci ꞌtirriaana.

Makayyioohit, cĩĩn thõõth ꞌcĩ adĩmanneet ngagĩĩt eeta ꞌbuth ko. Hĩĩgĩnna naag dticcianniook cugunnig. ꞌBaaneet ngagĩĩt ꞌtirrian hĩrrĩcattaawa nyeemuut cunni.

Aaĩ Yeesu hĩ, “ ‘Bẽẽ baa aburru niig teheꞌnyiooha nẽ ꞌyioko, ĩĩ bẽẽ ꞌcĩ abũnnaa hĩllõõan ꞌgoonoginni vẽlẽk.’

Ma baa adtuuha nẽẽg ngaatĩ arĩnyanaanĩ Pẽẽtũrũ hĩ Yõaannẽ thõõth gẽrrẽẽt nẽ ĩĩtõ eet ꞌcĩg nga hillimattĩ ho, iita aꞌngalilli nẽẽg nẽ agayyiõõthĩ ngaatĩ baa gõõng arũmẽẽnĩ Pẽẽtũrũ hĩ Yõaannẽ hĩ Yeesu.

Baa aꞌnyak lemmiooha vẽlẽk muhẽẽnĩt hĩ ꞌthĩnneeti, ꞌgõõla hõdẽẽthõng. Baa aitiõõ ẽẽtĩ ꞌcĩ aꞌnyak ijjio cĩgĩnnĩg ẽmmẽn tõõ, nẽẽthĩ, baa õthõl nẽẽg hẽlẽggĩ vẽlẽk ꞌcĩg aꞌnyahĩ.