Popular Bible Verses from 2 Pẽẽtũrũ 2

Share

Nẽẽthĩ acinnu, aga Nyekuci ngaatĩ ẽẽlanĩ eet ꞌcĩg athĩhĩ thõõth cĩnnĩ thooꞌthiohĩĩ ꞌcĩg attĩmaniini nẽẽgĩ, tananga nga aaꞌnyĩk nẽẽ eet ꞌcĩg ĩĩn ꞌthẽccanniook haauto ukẽẽtta ĩꞌthõng kõr ꞌcĩ hatĩ etteedini thooꞌthioha.

Occa baa mẽẽn hĩ ĩhõõggõ ngaatĩ hõllõngaa agaĩ ꞌgõõl cĩ bũnnaiitto, hĩllõõan ngaatĩ au agaĩ ꞌgõõl dĩdĩ, ma uruta nẽ ũtũngĩt tilooinit ꞌcĩ ẽllẽẽmĩth baa allimanoothĩk ĩhõõggõ. Aku hatĩ edeeꞌnyiak ĩhõõggõ thõõth ꞌcĩ ĩĩn dĩdĩ ꞌcĩ aĩ, “Aduk ũthũrĩ ꞌthaha cĩgĩnnĩg tarĩ.” Abubbuulaniini ꞌngõõhĩtĩ ꞌcĩ ũtũũnyĩ ẽlẽk tõrrõny.

Ĩggõõl nẽẽg ĩhõõggõ anneek haaꞌnyuung aaut lõꞌngõõc nẽ ĩĩn nẽẽ nẽẽg appahacaaꞌnya cĩg ꞌthẽccaanak, hĩnĩngĩtĩ ĩĩn eeta appahacaaꞌnya cĩg hẽlẽggĩ ꞌcĩg aggam ĩhõõggõ.

Nẽ ma iliittia eeta bathi cĩ lootu ꞌgõõlaa ꞌcĩ agaĩ Makayyioohit Ellioohit cĩnaac Yeesu Krĩstõ nẽ ĩĩtõ appahacaaꞌnya cĩg ꞌthẽccaanak tarĩ, au hatĩ abathoothi nẽẽg hĩllõõanit authet cĩnĩĩng baa ĩĩcĩ oou.

Nẽ baa aattĩg põrõvẽtaaꞌnya ꞌcĩg ĩĩn oloꞌngiaak buúk eetinitõõ, hĩcĩ hatĩ aattĩg ꞌlimmanniooha ꞌcĩg ĩĩn oloꞌngiaak hõrggẽẽnaa cunuung. Iꞌthianaanĩ hatĩ nẽẽg ngaatĩ allimanĩ thooꞌthiok ꞌcĩg abathĩ ꞌcĩg ĩĩn õlõng burkiitina nẽ ẽppẽhanit Makayyioohit cobbi baa ũũta ĩhõõggõ nẽ ĩĩnattaak eleeti cĩggĩĩng daahĩth hĩdĩĩkoothong.