Aitiõõ ngagĩĩt ꞌtirriani ꞌcĩ occa haĩnna hidticatta thooꞌthiok vẽlẽk nyaagwaana tõõ. Nyekuc ꞌcĩ aaꞌnyeet ngagĩĩt makaaꞌthĩt vẽlẽk ꞌcĩ hadticanna hẽlẽggĩ vẽlẽk ꞌcĩg hadiimma hadticanna. Aaꞌnyeet nẽẽ ngagĩĩt ꞌtirrian vẽlẽk ꞌcĩ hĩĩgĩnna dticcianniook cĩg lõhõt ꞌcĩ ĩĩn ngeju ꞌcĩ aku hĩ Lori ꞌcĩ Ẽllẽẽmĩth, ꞌcĩ hõllõngaa aku hĩ nyattal baa eheeddi loota. Nẽẽthĩ, aꞌnyaha nyattalĩ daahĩth nẽ aꞌnyaha Lorii rũgẽt.