Tananga má hẽbẽra naa ꞌrianĩĩth, hõllõngaa hatĩ haggiithi. Haduhaakuung naa ngagiit thõõth dĩdĩ nẽ hĩttĩmana ngaatĩ hõllõngaa haduhaakuung thõõth ꞌcĩ maka gẽrrẽẽt. ꞌGõõlaa cĩ, aitiõõ hatĩ ẽẽtĩ ꞌcĩ ammuhaanna nganĩĩt gẽrrẽẽt hĩllõõan tõõ, hĩnĩngĩtĩ ĩcĩttu niig ꞌgii vẽlẽk ꞌcĩ hadĩmani naana nẽ huduha. Ee mĩĩ ꞌthẽk, hothoothi naa ꞌyioko hẽlẽggĩ ꞌcĩg baag ẽllẽẽmĩth baag hĩcĩna naana. Ĩꞌthõõa ꞌThĩttaanĩ aajĩlõ cĩnnĩ ꞌcĩ ĩĩn lori ꞌcĩ abathĩ, hátĩ hikia haꞌnyaha pĩĩrnanĩt ꞌcĩ ẽkẽdan aaĩ hĩgõõng akatĩ eet bĩllẽẽtĩ, hátĩ hiittiõõ hõllõngaa hirriani gẽrrẽẽt.