Popular Bible Verses from 1 Yõaannẽ 2

Share

Nẽẽthĩ hoti ho, ma hammĩnannu looc nicci hode hẽlẽggĩ cĩg looc nicci. Hĩnĩngĩtĩ má ammĩnannu niig looc nicci, aitiõõ thĩ hõllõngaa occa ammĩnannu Baangeet. Hĩnĩngĩtĩ aku thĩngõõnyani cĩ ꞌgiithẽnĩt cĩnaac looccaa cĩ nẽ aku muruꞌthẽẽt ꞌcĩ habũranẽẽkĩ naag hẽlẽggĩ ꞌcĩg hacĩn thõng ko buúk, looccaa cĩ. Aitiõõ hẽlẽggĩ cieeg vẽlẽk hõllõngaa au hĩ Baangeet.

Aꞌnginoothi hatĩ lõõcĩ ciee hõdẽĩ hĩ thooꞌthiok vẽlẽk ꞌcĩg abũraneek eeta. Nẽẽthĩ, ẽẽtĩ ꞌcĩ adĩman thõõth ꞌcĩ accamana Nyekuci, arũgĩ hatĩ nẽẽ ũdũt.

Má hõthõõth naag haĩ hĩĩgĩn cĩgĩnnĩg, abũnnaa hanũ terethiinit cĩ Krĩstõ.

Lõhõlĩ cĩgannĩg, hẽhẽẽdakuung naa ngagiit waraga icci, hátĩ hiittiõõ hõllõngaa adĩmannu ꞌthẽccanẽẽt. Nẽẽthĩ, má ĩdĩmattu ꞌthẽccan, adĩman Yeesu Krĩstõ Ẽẽtĩ ꞌcĩ Abũnnaa hõdõõkõthĩ, thõõth ꞌcĩ aũlanĩ nẽ aduhaak hatĩ nẽẽ Maaꞌnyĩ hũtũngeek ꞌthẽccanẽẽt cĩggaac.

Nẽ má hõthõõth naag haĩ haga ĩnõõnnõ, nẽ hõllõngaa hathĩhĩ thõõth cĩnnĩ, haduha naag õlõng nẽ aitiõõ thõõth ꞌcĩ ĩĩn dĩdĩ ꞌthinneetinii cĩggaac tõõ.

Má hathĩhĩ naag tilooinit cĩ Nyekuci jurrung, haga naag ngaatĩ hagaĩ ĩnõõnnõ dĩdĩ.

Má haĩ naag haattĩg lanyita nẽ haaburreek eet umwa, nga haattĩg naag muguuratõõ.

Nẽ oloꞌngiaahit ẽẽtĩ ꞌcĩ õthõõth aĩ, hõllõngaa ĩĩn Yeesu, Krĩstõ dĩdĩ. Nẽ ẽẽtĩ ꞌcĩ abũrĩ Baangeet hĩ Ngeerĩnĩ, ĩĩn mirohit cĩ Krĩstõ.

Ẽẽtĩ ꞌcĩ abũrĩ Ngeertĩ Nyekuci, abũrĩ nẽẽ Maaꞌnyĩ buúk. Nẽẽthĩ, ẽẽtĩ ꞌcĩ ẽlẽmĩ Ngeertĩ Nyekuci, ẽlẽmĩ nẽẽ Maaꞌnyĩ buúk.