Popular Bible Verses from 1 Korinthia 11

Share

Nẽ ꞌgõõla hõdẽẽthõng, ittiha nẽẽ hooppo cĩ viinoo nẽ ĩĩ, “Ĩĩn hooppo ciee cĩ lõhõt ꞌcĩ ĩĩn ngeju cĩ biyyi cĩgannĩg, ĩdĩmanit hatĩ gõõng thõõth icci, hatĩ ahuddu biyyi iccig, hátĩ ummuktaayyiaangu nganĩĩta.” Hĩnĩngĩtĩ ma hatĩ gõõng aduku ũbũnĩ icci nẽ uhuddu biyyi iccig, aduhaannu hatĩ daahĩth cĩ Makayyiookto, ĩꞌthõng hatĩ hõbõda nẽẽnĩ.

Baa Makayyioohit ꞌcĩ aaꞌnya nganĩĩt thõõth ꞌcĩ hakuu haduhaakuung ngagiit ko. Baa attiha Makayyioohiti Yeesu ũbũnĩ baalin baa õhõppõõcaniini nẽẽnĩ, ma baa ĩĩnnĩk Nyekuc ĩlaallẽ, ikia appak nẽẽ ũbũnĩ nicci nẽ ĩĩ, “Ẽlẽ caannĩ cieeni ꞌcĩ aaꞌnyĩhoothĩkuung ngagiita, ĩdĩmanit thõõth icci, hátĩ gõõng ummuktaayyiaangu nganĩĩta.”

Adiim occa attũhũl ẽẽtĩ ꞌthĩnĩt cĩnnĩ, nga huduk ũbũnĩ hode hũhũd biyyi iccig. Hĩnĩngĩtĩ ẽẽtĩ ꞌcĩ aduk ũbũnĩ icci, hode ahũd biyyi iccig nẽ hõllõngaa ammuk aĩ, ĩĩn ciee ẽlẽ cĩ Makayyiookto, etteedĩk nẽẽ ẽlẽ cĩnnĩ thõõth ꞌcĩ abathĩ.

Nẽẽthĩ hoti ho, ẽẽtĩ ꞌcĩ aduk ũbũnĩ hode ahũdĩ hooppoaa cĩ Makayyiookto ꞌgõõlaa ꞌcĩ abathĩ, ẽꞌthẽcan hatĩ nẽẽ ẽlẽ hĩ biyyi cĩg Makayyiooktak.

Ũnnẽẽc terethiinit caannĩ hĩcĩ hanũ naa terethiinit cĩ Krĩstõ.