Popular Bible Verses from Арыллыы 22

Share

Мин Альфа уонна Омега, Төрүт уонна Бүтэр Уһук, Бастакы итиэннэ Тиһэх буолабын».

«Көр бу, Мин сотору кэлиэм! Хас биирдиигэ тугу оҥорбутунан көрөн биэрэрдии, төлөбүрбүн илдьэ кэлиэм.

Тыын уонна Сүктэр Кыыс иккиэн: «Кэл!» – диэн ыҥыраллар. Истибит эрэ барыта: «Кэл!» – диэн ыҥырыахтын. Утаппыт кэлиэхтин, иһиэн баҕалаах кэлэн, өлбөт мэҥэ уутун босхо ылыахтын!

Кини кэриэстэрин тутуһааччылар алгыстаахтар. Кинилэр олох Аал луук маһыттан амсайар бырааптаахтар, куорат аанынан киирэр кыахтаахтар.

«Көр бу, Мин сотору кэлиэм: ким бу инникини төлкөлүүр кинигэ тылын тутуһар, ол алгыстаах!»

Түүн диэн онно суох буолуо, Айыы Тойон Таҥара кинилэри сырдатар буолан ханнык да уокка, күн уотугар да наадыйыахтара суоҕа. Кинилэр үйэлэр тухары ыраахтааҕылаан олоруохтара.

Бу маны Кэрэһиттээччи этэр: «Дьиҥ чахчы, Мин сотору кэлиэм!» Аминь, оо, кэл, Айыы Тойон Иисус! Айыы Тойоммут Иисус Христос илгэлээх үтүөтэ барыгытын кытта эҥээрдэһиэхтин. Аминь.

Мин бу билиҥҥини да, кэнэҕэһи да төлкөлүүр кинигэ тылын истээччини сэрэтэбин: ким эрэ бу тылга тугу эмэ эптэҕинэ, Таҥара ол киһини бу кинигэҕэ этиллибит иэдээҥҥэ тиксэриэҕэ; оттон ким эмэ бу кинигэ билиҥҥини да, кэнэҕэһи да төлкөлүүр тылыттан тугу эмэ көҕүрэттэҕинэ, Таҥара кинини бу кинигэҕэ этиллибит Олох Кинигэтигэр суруллар, сибэтиэй куоракка киирэр аналыттан матарыаҕа.