Popular Bible Verses from Аман өһө 10

Share

Айыы Тойон алгыһа киһини байытар уонна кинини тугунан да санаарҕаппат.

Элбэх тыл аньыыта суох буолбат, өйдөөх киһи тылын кыатана туттар.

Абааһы көрсүүттэн айдаан тахсар, оттон таптал атаҕастабылы бырастыы гынар.

Көлөөк үлэһит дьадайар, туруу үлэһит байар-тайар.

Сиэрдээх сүбэни тутуһуу – бу баар олох эркээйилээх суола; сэмэни-суҥханы аахайбат киһи муна-тэнэ сылдьыаҕа.

Көнө суолу тутуһааччы холкутук сылдьыаҕа, оттон буруйан барааччы буруйданыаҕа.

Айыы Тойоҥҥо ытыктабыл олоҕу уһатар, оттон хара дьайдаахтар күннэрэ-дьыллара ааҕыллан турар.

Айыы Тойон үтүө киһини аччыктатыа суоҕа, оттон хара санаалааҕы, төһө да ымсыырдын, киэр анньыаҕа.

Күүстээх силлиэ түһүө да, сидьиҥнэри имири сотуоҕа, оттон кырдьыксыт үйэ-саас тухары тулхадыйыа суоҕа.