Popular Bible Verses from Филиппы христианнарыгар 2

Share

Тугу даҕаны илин былдьаһар, бэрдимсийэр санааттан оҥорумаҥ, сэмэй буолуҥ, бэйэ-бэйэҕитин үрдүктүк санааҥ; хас биирдиигит бэйэтин эрэ туһугар буолбакка, атыттар тустарыгар кыһалыннын.

Эһиги өйгүт-санааҕыт, иэйиигит барыта Христос Иисус өйүн-санаатын, Кини иэйиитин курдук буолуохтаах.

Кини Таҥара уобараһа эрээри, Таҥара курдук буоларга дьулуспатаҕа: үтүө көҥүлүнэн Бэйэтин аччатынан, кулут уобараһын ылынан, дьон курдук буолбута, киһи курдук көрүҥнэммитэ. Кини Бэйэтин намтатынан, өлүөр да диэри – кириэскэ тиириллиэр диэри! – истигэн этэ.

үтүөкэн көҥүлүнэн эһигини итинник салайан биэрэн, эһиги сүрэххитигэр Таҥара Бэйэтинэн үлэлиир.

Ол иһин Таҥара Кинини үөһэ таһаарбыта уонна халлааҥҥа да, сиргэ да, сир анныгар да сүһүөхтээх эрэ барыта Иисус аатыгар сүгүрүйэрин, тыллаах эрэ барыта Аҕа Таҥараны айхаллыырын, Иисус Христос – Айыы Тойон диэн билинэрин туһугар, Киниэхэ ким да аатынааҕар улуу ааты биэрбитэ.

Тугу гынаргытын барытын ханнык да муҥатыйыыта, мөккүөрэ суох толорор буолуҥ, оччоҕо туох да омсото суох ыраас сүрэхтэнэн, бу аньыылаах содур аймах ортотугар Таҥара эҥкилэ суох оҕолоро буолан олоруоххут. Онон бу аан дойдуга сырдатар сулустар буолан сыдьаайыҥ

Таптыыр бырааттарым, эһиги өрүү да истигэн этигит. Онон баарбар эрэ буолбакка, бу суох кэммэр өссө ордук Таҥараттан толлон, иэйэн-долгуйан туран, быыһанар суолгутун тутуһан иһиҥ