Popular Bible Verses from Матфей 27

Share

Тоҕус чаас саҕана Иисус улаханнык хаһыытаабыта: «Или, Или! Лама савахфани?» (Ол аата, тылбаастаатахха: «Таҥарам! Таҥарам! Тоҕо Эн Миигин хааллардыҥ?» – диэн.)

Дьэ онуоха Таҥара Дьиэтин иһинээҕи быыһа үөһэттэн алларааҥҥа диэри икки аҥыы хайа барбыта; сир хамсаан дьигиһийбитэ, очуос таастар хабырыттыбыттара, хоруоптар аһыллыбыттара, сибэтиэйдэртэн элбэх киһи тиллэн, хоруоптарыттан тахсыбыттара.

Иисус өссө төгүл улаханнык хаһыытаат, тыына быстыбыта.

Сир хамсааһынын онно туох буолбутун барытын көрөн турбут сотник итиэннэ кинини кытта бииргэ Иисуһу манаабыт харабыллар: «Кини чахчы Таҥара Уола эбит!» – диэн улаханнык куттаммыттара.

Алта чаастан тоҕус чааска диэри сир үрдүгэр ыас хараҥа бүрүүкээн турбута.

«Оччоҕо Христос диэн ааттаах Иисуһу хайыыбыный?» – Пилат ыйыппыта. «Кириэскэ тиир – Кинини!» – диэн хаһыытаспыттара бука бары. «Кини туох куһаҕаны оҥорбутай?» – Пилат ыйыппыта. «Кириэскэ тиир – Кинини!» – өссө күүскэ үөгүлэспиттэрэ.