Popular Bible Verses from Эфес христианнарыгар 6

Share

Биһиги дьону утары буолбакка, бу үйэ халыҥ хараҥатын дьаһалталарын, былаастарын, баһылыктарын утары, халлаан анныгар сылдьар хара дьай тыыннарын утары сэриилэһэбит.

Үҥэр үҥүүгүт, көрдөһүүгүт барыта хаһан баҕарар Тыын салайыытынан буоллун. Бу туһугар тиһигин быспакка, бары сибэтиэйдэр тустарыгар үҥэн туран, өрүү дьаныардаах буолуҥ.

Адьарай уодаһыныгар утарсар кыахтанар туһугар, Таҥара биэрэр сэбин-сэбиргэлин барытын толору иилиниҥ.

Дьэ ол иһин, ыарахан күҥҥэ утары туран бары кытаанаҕы барытын туораан, халбаҥнаабат чиҥ буолар туһугар, Таҥара биэрэр куйаҕын толору кэтиҥ.

хара дьай уоттаах оноҕосторун умуруорар итэҕэлгитин илии куйаҕа оҥостуҥ, быыһаныы дуулаҕа бэргэһэтин төбөҕүтүгэр кэтиҥ уонна Сибэтиэй Тыын батаһын – Таҥара тылын илиигитигэр ылыҥ.

Онон туруҥ, өттүккүтүн кырдьыгынан курданыҥ, көнө быһыынан куйахтаныҥ; эйэ-ил үөрэҕин киэҥник иһитиннэрэргэ бэлэм буолуу эһиги атаххыт таҥаһа буоллун

Уонна түмүкпэр этиэм этэ: бырааттарым, Айыы Тойоннуун биир буолан, Кини модун кыаҕыттан күүс-көмө ылан, бөҕөргөөн иһиҥ.

«Ийэлээх аҕаҕын ытыктаа» диэн бастакы кэриэс эрэннэриитэ – «оччоҕо эйиэхэ үтүө түстэниэ, сиргэ олорор үйэҥ уһуо».

Оҕолор, Айыы Тойон туһугар төрөппүттэргитигэр бас бэриниҥ. Эһиги ытык иэскит итинник.