Popular Bible Verses from Dānyāl 12

Share

Jo samajhdār haiṅ wuh āsmān kī āb-o-tāb kī mānind chamkeṅge, aur jo bahutoṅ ko rāst rāh par lāe haiṅ wuh hameshā tak sitāroṅ kī tarah jagmagāeṅge.

Tab ḳhāk meṅ soe hue muta'addid log jāg uṭheṅge, kuchh abadī zindagī pāne ke lie aur kuchh abadī ruswāī aur ghin kā nishānā banane ke lie.

Us waqt farishtoṅ kā azīm sardār Mīkāel uṭh khaṛā hogā, wuh jo terī qaum kī shafā'at kartā hai. Musībat kā aisā waqt hogā ki qaumoṅ ke paidā hone se le kar us waqt tak nahīṅ huā hogā. Lekin sāth sāth terī qaum ko najāt milegī. Jis kā bhī nām Allāh kī kitāb meṅ darj hai wuh najāt pāegā.

Bahutoṅ ko āzmā kar pāk-sāf aur ḳhālis kiyā jāegā. Lekin bedīn bedīn hī raheṅge. Koī bhī bedīn yih nahīṅ samjhegā, lekin samajhdāroṅ ko samajh āegī.